Smart Guys 16:8 - Hawaii Pidgin Bible

⁸ If you ony get litto bit stuffs, But you stay do da right ting, Dass mo betta den wen you make plenny money An no do wass right fo peopo.

Smart Guys 16:8 Referans Kwoze

Smart Guys 15:16

If you ony get litto bit stuffs, But you get awesome respeck fo Da One In Charge, So dat you stay sked a him. Dass mo betta den wen you get plenny stuffs But yoa head stay all jam up.

Songs 37:16

No matta da guys dat do wass right Get ony litto bit stuff, Dass still mo betta Den all da stuff da bad guys get.

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Micah 6:10

Da One In Charge tell: ‘You guys tink I still yet goin foget da real bad guys? Da way dey bulai how dey measure da wheat, An stash da stuffs dey wen steal inside dea house?! No ways I goin let um do dat!

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Smart Guys 16:9

Peopo make plan Fo how dey goin live. But Da One In Charge, he da One Make da real plan, wat dey goin do.

Teacha 4:6

Mo betta get ony one hand full a stuff, an can res, Den get two hand full a stuff, But da kine work you gotta do fo get um, You ony stay chase da wind.

Smart Guys 15:17

Az mo betta you ony get litto bit vejable fo eat, An da place get plenny love an aloha, Den if you get one big luau wit plenny meat, An erybody hate each odda!

Smart Guys 17:1

If no mo noise in da house, an no mo worry, Den no matta if ony get litto bit dry up bread fo eat. Az mo betta den get one big luau An erybody stay poin finga da odda guys.

Smart Guys 28:6

Mo betta you no mo notting, An peopo goin trus you, Den get plenny, But dey know you one crook.