Smart Guys 16:2 - Hawaii Pidgin Bible

² Erybody tink notting wrong Wit da way dey live. But Da One In Charge, he know eryting inside peopo, How come dey tink how dey tink, An he know if good o bad.

Smart Guys 16:2 Referans Kwoze

Smart Guys 21:2

Peopo tink wateva dey do, stay right. But Da One In Charge, he da One know wat dey tink.

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”

Luke 16:15

Jesus tell um, “You da guys dat tell da peopo you do da right kine stuff, but God know how you guys stay inside. Da stuff da peopo tink stay real good, dass da stuff God figga no good.”

Smart Guys 30:12

Dey da kine peopo Dat tink no mo notting wrong wit dem. An inside, dey pilau. Dey no let nobody make um come clean inside.

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Smart Guys 24:12

An if you make Like you neva know notting, Fo shua, Da One In Charge know How you stay inside. An he goin know How come you neva do someting, O if you neva know fo real kine. An da same way erybody make, Az how Da One In Charge goin pay um back.

Songs 36:2

Wen dey tink lidat, dey tink dey big. Az how come, wen dey do bad tings, Dey no tell dat dey bad, An no bodda dem dat dey do Da bad kine stuff dey stay do.

Smart Guys 5:21

Cuz Da One In Charge, he can see eryting dat erybody do, Jalike dey stay do um right in front him. An Da One In Charge, he look wat dey do, If good o no good.

Smart Guys 16:25

Get some way dat look jalike az da right way fo all dem go, But bumbye dey goin end up inside da Mahke Peopo Place.

Daniel 5:27

“ ‘tekel’ mean dat jalike God weigh you on one weight scale an find out you no weigh enuff.

Isaiah 26:7

Whoeva do da right kine stuff, You make da way dey go not hard. You da God dat do da right kine tings. You make da road easy Fo peopo follow, dat do da right kine stuff.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Jesus Show 2:18

Den da One I wen see tell me, “Da messenja guy I wen sen fo help da peopo dat come togedda fo church Tyatira side, write one letta to him, an tell um dis: “Dis wat God Boy tell, da One dat get eyes dat shine jalike one big hot fire, an feets dat look jalike brass metal dat shine:

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!

Smart Guys 12:15

Da stupid head kine peopo wit attitude, Wateva dey do, dey tink az right. But da peopo dat lissen wen peopo try help dem, Dey da kine peopo dat know wat fo do fo real kine.

Census 22:32

Da angel from Da One In Charge aks him, “How come you wack yoa donkey three time? I wen come hea fo go agains you, cuz I see da way you ack, all buckaloose.

Local Leadas 7:6

Get three hundred guys get watta in dea hands an lick wit dea tongue jalike one dog. All da odda guys go down on top dea knees fo drink.

Local Leadas 17:6

Dat time, da Israel peopo neva get king. Erybody do wateva dey figga az good.

Smart Guys 17:3

Fo find out if silva an gold, good o no good, Gotta melt um on top da fire. But Da One In Charge, he da One Tell how peopo tink.