Smart Guys 15:6 - Hawaii Pidgin Bible

⁶ Da peopo dat do da right ting erytime Dey get plenny good stuff. Wat da bad kine peopo get, Ony give dem trouble.

Smart Guys 15:6 Referans Kwoze

Smart Guys 8:21

I do dat, cuz I like give da peopo I love Da kine stuff dey can keep long time. I like make all da place Wea dey put all dea stuff, come full.”

Smart Guys 21:20

Da peopo dat know wat fo do erytime, Dey get nice place fo put all nice kine stuffs Dat dey like, an plenny fancy kine food too. Da kine peopo dat tink dey get plenny wen dey no mo notting, Fas, dey eat up wateva dey get.

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Songs 112:3

Dea ohana get plenny stuff, an dey rich. An cuz dey do da right ting erytime, Good tings goin happen to dem All da time.

Hebrews 11:26

He figga az mo betta come shame cuz he stay trus da Spesho Guy God Goin Sen bumbye, den get all da rich kine stuffs dat get inside Egypt. Cuz he stay shua dat God goin pay him back good kine.

Smart Guys 16:8

If you ony get litto bit stuffs, But you stay do da right ting, Dass mo betta den wen you make plenny money An no do wass right fo peopo.

Teacha 4:6

Mo betta get ony one hand full a stuff, an can res, Den get two hand full a stuff, But da kine work you gotta do fo get um, You ony stay chase da wind.

Smart Guys 15:16

If you ony get litto bit stuffs, But you get awesome respeck fo Da One In Charge, So dat you stay sked a him. Dass mo betta den wen you get plenny stuffs But yoa head stay all jam up.

Smart Guys 13:22

Da good kine peopo, dey save till dey mahke Fo da kids an da grankids get plenny from dem. Da peopo dat do bad kine stuff, dey save plenny stuff, But da whole ting go to da peopo dat do da right ting.

Songs 37:16

No matta da guys dat do wass right Get ony litto bit stuff, Dass still mo betta Den all da stuff da bad guys get.

Smart Guys 15:5

Da peopo dat do bad kine stuff dat no bodda dem, Dey no lissen wen dea faddah punish um fo teach um someting. Da peopo dat lissen good wen somebody tell um dey wrong, Dey smart fo lissen.

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Smart Guys 3:33

Da peopo dat stay do bad tings, Da One In Charge promise fo punish all dea ohana, But da peopo dat stay do wass right, He make eryting come good wea dey stay.