Smart Guys 15:3 - Hawaii Pidgin Bible

³ Da One In Charge, he see eryting. He see wat da bad kine peopo do, An da good kine peopo do.

Smart Guys 15:3 Referans Kwoze

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Jeremiah 16:17

Cuz I can spock um, ery place dey go. Dey no can hide from me. Dey no can hide da bad kine stuff dey do fo me no see um.

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Smart Guys 5:21

Cuz Da One In Charge, he can see eryting dat erybody do, Jalike dey stay do um right in front him. An Da One In Charge, he look wat dey do, If good o no good.

Job 31:4

God see eryting I do. He watch ery step I make.

Jeremiah 32:19

You tell plenny peopo wass good fo dem do, an you stay strong fo do plenny kine stuff. You see an know how all da peopo stay live. You pay erybody fo da way dey live, good o bad, an fo wateva happen from da tings dey do.

Job 28:24

Cuz he look at da mos far places on da earth. He see eryting unda da whole sky.

Smart Guys 15:4

You tell peopo tings dat kokua dem, Dat make um come alive inside. Wen you tell dem words fo jam dem up, Dat make um lose fight.

Zekariah 4:10

No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”

Job 24:23

Maybe God goin let dem tink dey strong an stay safe, But he watch how dey ack.

Songs 33:13

Da One In Charge, He look down from da sky An see all da peopo ery place.