Smart Guys 15:2 - Hawaii Pidgin Bible

² Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Smart Guys 15:2 Referans Kwoze

Smart Guys 12:23

Da akamai kine peopo, Dey no show off eryting dey know. Da dumb buggahs dat tink Dey no need learn notting, Dey gotta yell out all dea stupid kine stuff.

Smart Guys 15:28

Da peopo dat do da right ting erytime, Wen somebody tell dem someting, Dey tink firs fo long time Bout wat dey suppose to tell back. But da bad kine peopo, Dey ony motormout fas fo tell pilau kine stuff.

Smart Guys 13:16

Da akamai peopo do stuff Cuz dey know wat dey stay do. Da peopo dat tink dey know wat dey stay do, But dey donno, No bodda dem fo do stupid stuff In front odda peopo.

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Smart Guys 16:23

Da kine guy dat tink befo he talk, He know wat fo do erytime, An cuz he undastan how come tings happen, He goin tell da right ting. Wen one guy know how fo talk good lidat, Mo plenny peopo goin lissen wat he tell um.

Smart Guys 15:23

Wen somebody aks you someting An you tell um someting dat help dem, You feel good inside. Wen you tell um someting dey need fo hear Right den an dea, Dass real good!

Songs 59:7

Look dem ova dea! Dey talk bad plenny. Da tings dey tell, Sharp jalike swords fo hurt peopo. But dey tink, “Eh! no mo nobody goin hear!”

Songs 45:1

Inside me, jalike I come excited Fo tell bout one real good ting. I stay make dis song fo da king, Jalike I one writa guy Dat know how fo tell one story Fo real kine.

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Teacha 5:3

Jalike wen you get too much stuff dat bodda you, you goin get bad dreams, Same ting, wen you talk too much, you goin talk stupid kine.

Teacha 10:14

An da stupid guy talk plenny. No mo nobody know wat goin happen. Nobody can tell wat goin happen afta dat.

Smart Guys 5:2

Az good, you know wen mo betta you no say notting Bout wat you tink, An you talk bout wat you know.