Smart Guys 15:1 - Hawaii Pidgin Bible

¹ Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Smart Guys 15:1 Referans Kwoze

Smart Guys 25:15

If you hang in dea long time, An no come huhu, You can make da leada guys tink Da same way you tink. If you talk nice to dem, Even da hard head guys goin lissen.

Smart Guys 10:12

You hate somebody, Bumbye you goin beef. You get love an aloha fo somebody, No matta dey go agains you, Still yet you let um go.

Smart Guys 15:18

Da kine guy dat stay huhu all da time, He ony like make erybody argue wit each odda. Wen no mo notting bodda one guy, He make erybody come so notting bodda dem.

Smart Guys 29:22

Anybody dat stay real huhu all da time, Dey like beef erybody. Anybody dat stay mad all da time, Dey erytime goin go agains you.

Smart Guys 28:25

Da greedy guys, Dey da ones make erybody like fight. But da guys dat stay trus Da One In Charge, He goin make eryting come real good fo dem.

2 Samuel 19:43

Den da Israel guys tell da Judah guys, “Us guys get ten ohanas in dis country, so we get ten times mo rights to da king den you guys get wit da one ohana. Az why David mo da king fo us den fo you guys. So, how come you make to us jalike us nobody? Fo shua, us guys was da firs one fo tell dat we gotta bring David back fo be oua king.” So dey stay make mo argue lidat. But da Judah guys wen talk even mo tough den da Israel guys.

1 Kings 12:7

Dey tell um, “If you can be one worka guy dat help dis peopo today, an work fo dem, an be up an up wit dem, dey goin stay work fo you all da time.”

2 Records 10:7

Dey tell him, “If you make nice to dese peopo, an make dem like you, an you give dem good words, dey goin work fo you all da time you stay king.”

Job 41:3

You tink da Leviatan goin beg you ova an ova fo give um chance? You tink he goin talk to you real nice?

Smart Guys 29:8

Da kine peopo dat like talk bad fo make peopo feel bad, Dey make erybody inside dea town come huhu. But da kine peopo dat know wat fo do erytime, Dey make da odda guys come so notting bodda dem.

Jesus Guys 19:41

Wen he pau tell dat, den he tell erybody fo go home.