Smart Guys 13:7 - Hawaii Pidgin Bible

⁷ Get some peopo, Dey ack jalike dey get plenny, But dey no mo notting. Get some odda peopo, Dey ack jalike dey no mo notting, But dey get plenny.

Smart Guys 13:7 Referans Kwoze

Jesus Show 3:17

You guys tink, “Me, I stay rich. I get plenny, an no need notting!” Horraz! You guys donno still yet dat you all jam up! You guys no mo face, no mo money, no mo clotheses, an no can see!’

Smart Guys 12:9

Da kine guy dat peopo tink not importan But still yet he get one guy dat work fo him, Is mo betta den da kine guy Dat make erybody tink he da main man, But he no mo notting fo eat.

Smart Guys 11:24

Get da kine peopo, dey like give away plenny stuff all da time An still yet, bumbye dey get even mo stuff. Get diffren kine peopo, dey can help out, but dey no like, An bumbye dey no mo notting.

2 Corint 6:10

We stay sad inside, but same time we erytime stay good inside. We no mo money, but den, us stay make plenny peopo rich inside. Jalike we no mo notting, but we still yet get eryting.

2 Corint 4:7

Us guys get plenny rich kine stuff from God inside us, no matta us jus regula kine peopo. Dass fo show dat da fo real powa come from God, an az not from us guys. Dass jalike wen somebody get rich kine stuff inside cheap kine dishes.

2 Peter 2:19

Dose buggahs, dey promise peopo, “If you lissen us guys, go do any kine how you like!” But da teacha guys dat talk lidat, dey jalike slaves, cuz dey no can run away from da pilau kine stuff dey stay do. Wateva make you do bad kine stuff, dass jalike you come one slave fo do dat, you know.

James 2:5

Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.

Luke 12:21

“Dass wat goin happen to all da peopo dat pile up big stack stuffs ony fo dem, but God see um jalike dey no mo notting.”

Smart Guys 13:11

Wen you no do notting fo da stuff you get, Bumbye no moa. Da kine guy dat work fo get stuff, Bumbye he goin get plenny.

Jesus Show 2:9

‘I know you guys suffa plenny, an you guys stay pooa. Still yet you guys stay rich! I know fo shua get guys dat tell dey God peopo, but dey not. Dey talk bad bout you guys. Dey tell dey come togedda fo pray to God, but dey work fo Satan.

1 Corint 4:8

So! You guys tink you get eryting you need awready! Jalike you guys rich, aah? You guys ack big, jalike kings, an us guys not! Fo shua, I like you guys come kings fo real kine, an fo us guys come kings wit you guys too!

Luke 12:33

Sell eryting you get an give da money to da peopo dat no mo notting. Get da kine money bag dat no goin get puka. Make shua you get da importan kine stuff from God inside da sky, dat stay foeva. Da steala guy no can steal um ova dea, an da bugs no can eat um up.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Smart Guys 13:8

Da rich guys get plenny silva fo pay anybody dat like kill um, But da guys dat no mo notting, Dey no need bodda bout dat kine problem.