Smart Guys 13:6 - Hawaii Pidgin Bible

⁶ Wen get peopo do da right ting, Dey make shua fo do stuff da right way all da time. Wen get bad kine peopo, Dey all jam up, cuz dey do bad kine stuff.

Smart Guys 13:6 Referans Kwoze

Smart Guys 11:3

Da kine peopo dat do eryting dey suppose to do, Dey do da right ting erytime no matta wat. Cuz a dat, dey goin know wat fo do too. Da kine peopo dat you no can trus an dey try trick you erytime, Wat dey stay do, dey ony goin come wipe out.

Smart Guys 21:12

Da One dat do da right ting erytime, He undastan wat stay happen inside all da bad guys ohanas. Az how he jam up wat da bad peopo try fo do.

Songs 140:11

No let da ones dat talk bad Bout odda peopo get respeck Hea inside oua land. Da bad peopo dat like bus up erybody, Make bad tings come to dem, Ova an ova!

Songs 26:1

Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

Songs 15:2

Da One In Charge tell: “Fo get da right fo stay wit me, Dey gotta be da kine peopo Dat live so dat nobody can poin finga dem. Dey do da right ting erytime. Dey tell da trut erytime Cuz no mo notting inside dem dey like hide.

Smart Guys 5:22

Wen somebody do bad kine stuff, Da tings dey do, trap dem. Dey no can run away, Cuz jalike dey all tie up wit rope.

2 Records 28:23

He make sacrifice to da Damascus gods, no matta da Damascus guys wen win ova him. He figga, “Cuz da gods fo da Aram kings wen help dem, I goin make sacrifice fo dose gods, fo dem help me too!” But az was da ting dat make Ahaz an his Judah peopo come weak.

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Smart Guys 10:29

Da peopo dat go all out fo do da right ting, Wen dey do stuff dat God like, God goin make shua notting happen to dem. But da bad peopo, wen dey do stuff God no like, God goin wipe dem out cuz a dat.

Smart Guys 11:20

Da One In Charge feel jalike he sick, wen he tink bout Da kine peopo dat like do any kine pilau stuff. He feel real good inside wen he tink bout Da kine peopo dat no do notting bad.

1 Kings 1:52

Solomon tell, “Go tell Adonijah, ‘If you come one guy I can trus, I no goin do notting fo make even one hair from yoa head fall on top da groun cuz a me. But if I hear anyting bad bout you, you goin mahke.’ ”

1 Kings 13:34

Cuz Jeroboam wen make lidis, him an his ohana get da blame fo do all kine bad stuff. Az why da Jeroboam ohana king guys wen come wipe out, an no mo his ohana inside dis world.