Smart Guys 13:5 - Hawaii Pidgin Bible

⁵ Da peopo dat do da right ting all da time, Dey no like tell da kine bulai words fo cheat peopo. Da bad kine peopo, shame how dey ack An wat dey do.

Smart Guys 13:5 Referans Kwoze

Colosse 3:9

No bulai each odda. Az cuz you guys wen throw out da ol kine way an no do da bad kine stuff no mo dat you guys wen do befo time.

Efesus 4:25

Kay den. No bulai nobody no moa. All you guys gotta tell each odda da trut cuz all us da same ohana.

Smart Guys 3:35

Da peopo dat know wat fo do erytime, Dey goin get plenny respeck. But az diffren, fo da stupid guys wit attitude. Shame, dass all dey goin get.

Songs 119:163

Weneva peopo bulai somebody, I hate dat, an bodda me plenny. But I get love an aloha Fo da Rules you teach.

Ezekiel 36:31

Den you guys no goin foget how pilau you guys was, an all da no good kine stuff you guys wen do. Den you guys goin come real shame cuz a all dat kine stuff you wen do befo time an da way you ack pilau.

Ezekiel 20:43

Wen you guys come ova dea, you no goin foget how you guys wen live, an all da real bad tings you guys wen do fo come pilau. Den you guys goin come all bum out cuz a all da bad kine stuff you guys wen do.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Daniel 12:2

Plenny peopo dat stay mahke, jalike dey stay sleep unda da groun, dey goin come alive one mo time, jalike dey wake up. Some a dem goin come alive fo get da kine life dat stay foeva. Odda peopo goin come alive fo come shame foeva, an odda peopo goin feel pilau wen dey even tink bout dem.

Ezekiel 6:9

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.

Smart Guys 30:8

Firs, no let me do wase time kine stuff O bulai odda peopo. Nex, no let me come pooa so I no mo notting, An no give me mo stuff den I need. Jus make me feel good wit enuff food an tings fo wat I need.

Smart Guys 6:17

Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem,

Smart Guys 13:4

Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Teacha 3:8

One time fo love An one time fo hate. One time fo make war An one time fo make eryting pono.

Local Leadas 16:11

He tell, “If somebody tie me up wit new ropes dat nobody wen use befo, I goin come weak jalike da odda guys.”

Smart Guys 18:3

You do bad kine stuff, Peopo goin talk bad bout you. Wen dey no mo respeck fo you, Dey goin make you come shame.