Smart Guys 13:3 - Hawaii Pidgin Bible

³ Da peopo dat watch how dey talk, Dey stay alive long time cuz a dat. Da peopo dat no kea how dey talk, Dey come wipe out cuz a dea big mout.

Smart Guys 13:3 Referans Kwoze

Smart Guys 21:23

Whoeva take kea wat come outa dea mout wen dey tell, Big kine trouble no goin come to dem.

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Smart Guys 18:7

Wen da kine peopo talk dat tink dey know eryting awready, Eryting dey tell get um in trouble. How dey talk, jalike one trap fo kill um.

Songs 39:1

Dis wat I wen tell: “I goin watch how I live, So I no tell bad kine stuff. I goin make shua I shut my mout Weneva get peopo nea me Dat stay do bad kine stuff.”

Smart Guys 10:19

No talk too much! Bumbye you goin tell someting An peopo goin come all huhu wit you. Da guys dat tink firs befo dey open dea mout, Dey undastan real good wat dey suppose to do.

Smart Guys 20:19

Anybody go aroun an talk any kine bout odda peopo, Dey tell all kine stuff dey not suppose to tell. Az why, no go hang out wit da kine guys Dat no can shut dea mout.

James 1:26

If one guy tink he erytime do wat God like, but no hold back his mout, his religion wase time, cuz he stay fooling ony him!

Smart Guys 12:13

Wen da bad kine peopo grumble bout God, Dey get into trouble an no can get out, Jalike one trap catch dem. Wen da peopo dat do wass right get into trouble, Dey can get out.

Songs 34:13

Make shua you no tell notting bad. Make shua you no bulai nobody Fo get someting from dem.

Songs 141:3

Eh! Da One In Charge, I like you make shua Notting bad come outa my mout! Proteck eryting I tell.

Smart Guys 10:14

Da peopo dat know wat fo do, Erytime dey like learn mo stuff. Da peopo dat do bad stuff an no bodda dem, Wen dey talk any kine, Dat mean dey ready fo get wipe out.

Smart Guys 13:4

Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Local Leadas 16:11

He tell, “If somebody tie me up wit new ropes dat nobody wen use befo, I goin come weak jalike da odda guys.”

Local Leadas 16:17

So he tell her eryting. He tell, “No mo nobody eva cut my hair, cuz I one guy dat stick wit da Nazir kine rules. I stay spesho fo God from da day I wen born. If somebody shave my head, den I no goin be strong no moa, I goin come weak jalike da odda guys.”

Smart Guys 10:8

Da peopo dat know how fo tink, Dey goin lissen an do wat dey suppose to do. Da peopo dat do bad kine stuff an no bodda dem, Dey all mout, an dey goin fall down an crack dea head.

Smart Guys 14:3

Wen da stupid kine peopo dat tink dey know eryting Open dea mout, Dey get slap on dea head Fo ack high makamaka. Da peopo dat know wat fo do, Dey stay outa trouble By da way dey talk.