Smart Guys 13:16 - Hawaii Pidgin Bible

¹⁶ Da akamai peopo do stuff Cuz dey know wat dey stay do. Da peopo dat tink dey know wat dey stay do, But dey donno, No bodda dem fo do stupid stuff In front odda peopo.

Smart Guys 13:16 Referans Kwoze

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Efesus 5:17

Az why, you guys betta tink befo you do stuff. Try fo undastan wat Da One In Charge like you guys fo do.

Isaiah 52:13

Da One In Charge tell: “Look! My worka guy, He do wat he suppose to do. He do one good job cuz he know wat he stay do. Peopo goin know he importan. Dey all goin know who him, An show him plenny respeck.

Teacha 10:3

Even wen da stupid guy walk on top da road, he no mo one brain. He show erybody how stupid him.

Rome 16:19

Erybody wen hear how you guys erytime do wat God tell you guys fo do. Az why I stay real good inside cuz a you guys. But I like you guys be akamai bout da good kine stuff an no even try do da bad kine stuff.

1 Corint 14:20

Eh, my braddahs an sistahs! No go tink jalike small kids no moa! (Fo do da bad kine stuff, shua! Ack jalike bebes! Cuz da bebes, dey donno how fo do bad kine stuff.) But fo undastan wass da main ting, you gotta grow up!

Matthew 10:16

“You know, I stay send you guys out jalike sheeps, an you guys goin go wea da wild wolfs stay. So you guys gotta figga wat fo do, jalike da snakes, an no hurt nobody, jalike da doves.

Smart Guys 21:24

Da peopo dat ack jalike dey real smart, An ack high makamaka, Erybody know who dem, Dat dey no mo respeck fo nobody. Wateva dey do, dey tink dey mo smart den erybody.

Songs 112:5

Wen somebody do good tings fo peopo An lend stuff to dem, Good tings goin happen fo dat guy. He no goin bulai nobody Jus fo make money.

1 Samuel 25:25

No let dat guy Nabal bodda you! He no good kine! An he ack jalike his name. His name mean ‘Stupid,’ an he do stupid kine stuff. But I yoa worka wahine, an I neva see da guys dat you, my boss, wen sen befo time.

1 Samuel 25:17

Now, tink bout all dis, an figga out wat fo do, cuz David guys stay ready fo do someting real bad to oua boss an all his ohana peopo, an all us worka guys too. You know Nabal, aah? He da kine guy dass ony bad, so no mo nobody can talk to him.”

Smart Guys 18:2

Same ting, da kine guy dat tink he know eryting But he donno notting, He no like bodda fo undastan stuff. He ony like talk bout wat he tink.

Smart Guys 14:33

Da peopo dat can undastan stuff, Dey feel good inside Cuz dey know wat fo do erytime. Da stupid head peopo wit attitude, Sometimes inside dey know wat fo do.

Teacha 10:13

Wen da stupid guy start fo talk, he talk stupid kine. Bumbye he goin tell bad kine stuff an pupule kine stuff.