Smart Guys 13:1 - Hawaii Pidgin Bible

¹ You get somebody dat know wat fo do erytime, Dat mean dea faddah make dem learn. But da buggahs dat no mo respeck fo nobody Cuz dey tink dey so smart, Dass why dey no lissen, neva mind you scold dem.

Smart Guys 13:1 Referans Kwoze

Smart Guys 15:5

Da peopo dat do bad kine stuff dat no bodda dem, Dey no lissen wen dea faddah punish um fo teach um someting. Da peopo dat lissen good wen somebody tell um dey wrong, Dey smart fo lissen.

Smart Guys 15:20

Da kine guy dat know wat fo do erytime, He make his faddah feel all good inside. Da stupid buggah dat tink he no need learn notting, He no give a rip if he shame his muddah.

Smart Guys 10:1

Dis da part dat get da importan kine stuff fo make us tink dat Solomon tell us. Wen da faddah-muddah guys get one kid dat know wat fo do erytime, Dey come all good inside. Wen dey get one kid dat tink he get um wen he no get um, Da faddah-muddah guys come all sore inside.

1 Samuel 2:25

You know, aah? one guy do bad kine stuff agains anodda guy, Da One In Charge can come in da middo an make um right. But, if one guy do bad kine stuff agains Da One In Charge, he had it awready! Nobody goin come in da middo fo make um right!” But his boys no lissen wen dea faddah poin finga dem an scold um. Az cuz Da One In Charge awready like dem mahke!

Smart Guys 14:6

Da peopo dat no mo respeck fo nobody Cuz dey tink dey real smart, Dey try learn wat fo do, but dey no can. But da peopo dat undastan awready, Easy fo dem learn stuff.

Smart Guys 15:12

Da peopo dat no mo respeck fo nobody Cuz dey tink dey know eryting, Dey no like wen peopo tell dem dey wrong. Dey no goin go By da peopo dat know wat fo do erytime, Fo aks dem fo help.

1 Kings 22:43

Eryting Jehoshafat do, he do um jalike his faddah Asa. He neva go da wrong way, he ony do da kine stuff Da One In Charge tell stay right. Still yet, all da sacrifice place on da top a da hills still stay dea. Da peopo still stay make sacrifice fo da odda gods an burn incense dea.

Smart Guys 7:24

So now den, my boys! Lissen to me! Tink bout wat I stay tell you guys!

Smart Guys 12:15

Da stupid head kine peopo wit attitude, Wateva dey do, dey tink az right. But da peopo dat lissen wen peopo try help dem, Dey da kine peopo dat know wat fo do fo real kine.