Smart Guys 12:6 - Hawaii Pidgin Bible

⁶ Wen da bad kine peopo talk, Az ony fo dem catch odda peopo Den bumbye dey can kill um. Wen da good kine peopo talk, Az fo get peopo outa trouble.

Smart Guys 12:6 Referans Kwoze

Smart Guys 14:3

Wen da stupid kine peopo dat tink dey know eryting Open dea mout, Dey get slap on dea head Fo ack high makamaka. Da peopo dat know wat fo do, Dey stay outa trouble By da way dey talk.

Jeremiah 5:26

“Some a my peopo, dey real bad kine guys. Dey hide an wait fo grab peopo, Jalike da guys dat trap birds, Jalike dey put one trap fo wipe out odda guys.

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Jesus Guys 23:15

So you an da main leada guys go tell da main captain fo bring him in front you, an you ack jalike you like find out mo stuff bout wat he wen do. An we stay ready fo kill him befo he come ova hea.”

Jesus Guys 25:3

Dey beg Festus fo do someting fo dem. Dey like him fo bring Paul to Jerusalem cuz dey like kill him on da way ova dea.

Jesus Guys 23:12

Wen da sun come up, da Jew guys come togedda an make one plan bout Paul. Dey make one promise dat dey no goin eat o drink notting till dey kill um.

Smart Guys 12:5

Wen da peopo dat do wass right make plan, Dey make shua, az not goin hurt nobody. Wen da bad kine peopo try tell you wass good fo you do, Dey ony trying fo trick you.