Smart Guys 12:2 - Hawaii Pidgin Bible

² Da good kine peopo, Da One In Charge get one good heart fo dem. Da kine peopo dat tink all da time Bout how dey can do bad stuff to peopo, God, he da judge, he goin punish dem.

Smart Guys 12:2 Referans Kwoze

Smart Guys 8:35

Cuz whoeva find me, Dey find da real kine life, An Da One In Charge like do good tings fo dem.

Jesus Guys 11:24

Barnabas, he one good guy. Da Good An Spesho Spirit stay in charge a him, an he stay trus Da One In Charge plenny. An cuz a him, get plenny mo peopo dat trus Jesus, Da One In Charge.

Songs 112:5

Wen somebody do good tings fo peopo An lend stuff to dem, Good tings goin happen fo dat guy. He no goin bulai nobody Jus fo make money.

Rome 5:7

Eh you know, nobody goin mahke fo one guy dat ony do right kine stuff! If get one guy dat erytime get one good heart, maybe bumbye somebody go mahke fo help dat kine guy.

Smart Guys 1:31

Stuff goin happen to dem Cuz dey live dat way. Eryting dey figga fo do, Goin come back on top dem, Da same stuff an even mo stuff.

Teacha 8:8

No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Smart Guys 6:18

Peopo dat use dea head fo make one plan Bout how fo do wrong kine tings, Peopo dat use dea feets Fo hurry up an go do bad kine stuff,

Songs 9:15

All da diffren peopos, dey fall down Inside da same hole dey wen dig. Da same net dey wen hide Catch dea own feets.

2 Samuel 15:3

Den Absalom tell um, “Eh! Wat you squawk bout stay true an right! But no mo nobody from da king stay hea fo lissen you.”

Smart Guys 3:4

An God, he like wen you do all dat, An peopo same ting dey like dat. An bumbye, erybody goin know you one good guy, An God, he goin know dat too.

Smart Guys 12:1

Da peopo dat feel good inside Wen somebody tell um dey wen do wrong, Dey can learn all diffren kine stuff from dat too. Da peopo dat no like Wen somebody tell um dey wen do someting bad, Dem ony dumb buggahs.

Smart Guys 14:22

You make one plan fo do someting bad, Goin be one big mistake fo shua! You make one plan fo do someting good, God goin come tight wit you An show you how fo trus him foeva.

Smart Guys 14:17

Da hot head kine peopo, Dey do stupid stuff. An da peopo dat make sly kine plan, Erybody hate dem.