Smart Guys 12:1 - Hawaii Pidgin Bible

¹ Da peopo dat feel good inside Wen somebody tell um dey wen do wrong, Dey can learn all diffren kine stuff from dat too. Da peopo dat no like Wen somebody tell um dey wen do someting bad, Dem ony dumb buggahs.

Smart Guys 12:1 Referans Kwoze

Smart Guys 15:10

Da peopo dat go away from da right way, Dey goin get good lickins fo teach um wass right. Da peopo dat no lissen Even wen somebody tell um dey wrong, Dey goin mahke.

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Songs 32:9

No ack jalike da horse o da mule Dat no undastan Wea dey suppose to go, You gotta use da bit an da bridle Fo no let um run away.”

2 Tessalonika 2:10

He goin do any kine fo bulai da peopo dat goin come wipe out. Dey goin come wipe out, cuz dey neva like lissen an neva take da true stuff. Cuz if dey wen lissen, den God wen take um outa da bad kine stuff dey stay do.

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Smart Guys 8:32

“My kids, I tell dem, ‘You betta lissen good now!’ Da peopo dat do jalike how I stay do, Dey can stay good inside!

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Songs 119:27

Make me undastan How fo live da way you tell me fo live. Fo me tink plenny Bout da awesome kine tings You stay do.

Songs 50:17

Cuz weneva I tell you wat you gotta do, You come all piss off. You throw out eryting I tell.

Smart Guys 8:36

But whoeva no can find me, Dey ony come jam up. Whoeva hate me, Jalike dey like fo mahke.”

Smart Guys 11:31

Fo shua, da peopo dat erytime do da right ting, God goin make good to dem fo dat Even befo dey mahke. You can stay shua even mo plenny, dat God goin pay back Da bad kine peopo dat stay do bad kine stuff.

Smart Guys 12:2

Da good kine peopo, Da One In Charge get one good heart fo dem. Da kine peopo dat tink all da time Bout how dey can do bad stuff to peopo, God, he da judge, he goin punish dem.

Smart Guys 30:2

Cuz I know I one dumb buggah, an mo like one animal den one guy. I no undastan wat peopo suppose to undastan.

Prieses 13:10

Da pries guy goin check um out. If get one white place on top da skin dat stay swell up, an if da place dat stay swell up stay raw,

Songs 141:5

If da peopo dat stay do wass right Slap my head, Dat show dey my frenz Dat stay tight wit me! If dey tell wat I do stay wrong, Dass good, jalike dey put Da bestes kine haku lei On top my head! All da time I stay pray Dat da bad guys no can do notting.

Smart Guys 10:8

Da peopo dat know how fo tink, Dey goin lissen an do wat dey suppose to do. Da peopo dat do bad kine stuff an no bodda dem, Dey all mout, an dey goin fall down an crack dea head.