Smart Guys 11:7 - Hawaii Pidgin Bible

⁷ Wen da bad kine peopo mahke, All da stuff dey tink dey was goin get, All gone awready, pau. All wase time!

Smart Guys 11:7 Referans Kwoze

Smart Guys 10:28

Da peopo dat stay do da right ting, Dey shua good stuff goin happen, Fo dem stay good inside. All da stuff da bad peopo like happen, Bumbye dey figga out, no goin happen.

Job 11:20

But da peopo dat do bad kine stuff, Dea eyes no goin see wass happening. No way dey goin get outa trouble. Da ony ting dey wait fo, az da las time dey breave.”

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Songs 146:4

Dat kine guy, Bumbye he no goin breave no moa, He goin go back inside da groun. Right den an dea, Eryting da guy plan fo do Goin come poho.

Ezekiel 28:9

So! You tink you goin tell, ‘I one god!’ Wen you in front da buggah dat goin kill you? Wen da buggahs go fo stab you an put dea hands on top you, You goin ony be one guy, not one god!

Songs 112:10

Da bad guys, dey see wass happening, An dey come bum out. Dey goin grind dea teet Cuz dey so mad an futless. Eryting fo dem goin come poho. Eryting da bad kine peopo like get, No goin come to dem!

Smart Guys 11:8

Da peopo dat stay do wass right erytime, God take dem away from da place wea get trouble. Cuz az wea da bad guys stay end up.

Smart Guys 10:29

Da peopo dat go all out fo do da right ting, Wen dey do stuff dat God like, God goin make shua notting happen to dem. But da bad peopo, wen dey do stuff God no like, God goin wipe dem out cuz a dat.