Smart Guys 11:16 - Hawaii Pidgin Bible

¹⁶ Da kine wahines dat get one good heart fo help peopo, Dey get plenny respeck, But da kine guys dat do any kine fo dem be numba one, Da ony ting dey get is silva.

Smart Guys 11:16 Referans Kwoze

Luke 10:42

But you ony need one ting. Mary wen pick da mo betta ting, an nobody can take dat away from her.”

Jesus Guys 9:39

Peter go wit dem, an wen he come ova dea, dey take him upstairs to da room. All da widows stay stan aroun him. Dey stay cry an show him da shirts an da coats Dorcas make wen she stay wit dem.

2 John 1:1

I stay da older leada fo da church ova hea, an I stay write you jalike you my ohana, an you one auntie a da church peopo an dey yoa kids. God wen pick you guys, an I get plenny love an aloha fo you guys. Erybody dat know wat stay true get love an aloha fo you guys too. An I not da ony one,

Luke 8:3

An Joanna, Chuza wife, she go. (Chuza, he da guy dat stay in charge a King Herod palace.) An Susanna, an plenny odda wahines, dey all go too. Da wahines wen use dea money fo help take kea Jesus dem.

Matthew 26:13

Dass right! An I like tell you guys dis too: wea evas my guys goin teach da Good Kine Stuff Bout Me, all ova da whole world, dey goin tell wat dis wahine wen do, an da peopo not goin foget her.”

Esther 9:25

But wen da king find out wat Haman was goin do to da Jews, da king write down fo his guys dat wat Haman wen plan, goin come back to him, an fo da king guys go hang Haman an his boys.

Rome 16:6

Give my aloha to Mary. She wen work real hard fo you guys.

Smart Guys 31:28

Da kids go tell erybody, “Oua muddah, She erytime do good tings! Az why she stay good inside.” Her husban, he tell erybody she da bestes too.

1 Samuel 25:40

Wen David messenja guys come by Abigail Carmel side, dey tell her, “David wen sen us by you fo bring you by him fo come his wife.”

Amos 3:9

Stan up on top da flat palace roof, Ashdod town, An da flat palace roof, Egypt land, An talk loud lidis fo da peopo inside can hear: “Eh! Go come togedda on top da hills aroun Samaria town, An check out all da stuff inside dat town dass all jam up, Da way dose Israel guys all ack mean to each odda!”

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”