Smart Guys 11:12 - Hawaii Pidgin Bible

¹² Da guy dat talk bad bout anodda guy, He no tink befo he talk. But da guy dat undastan plenny, He goin keep his mout shut.

Smart Guys 11:12 Referans Kwoze

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.

Smart Guys 10:19

No talk too much! Bumbye you goin tell someting An peopo goin come all huhu wit you. Da guys dat tink firs befo dey open dea mout, Dey undastan real good wat dey suppose to do.

Luke 18:9

Jesus tell one story to da guys dat stay shua dey da good guys but all da odda guys, dey da bad guys.

Luke 16:14

But da Pharisee guys, dey love money. Wen dey hear all da stuff Jesus wen tell, dey make fun a him.

Smart Guys 14:21

Wen peopo no mo respeck fo da odda guy, Az wrong, But wen you kokua peopo dat no mo notting, You can stay good inside!

2 Kings 18:36

But da peopo no talk notting. Dey no say notting to da Assyria guy, cuz King Hezekiah wen tell dem, “No talk to him.”

1 Samuel 10:27

But had some mean buggahs wit attitude. Dey tell, “No way dis guy goin get us outa trouble!” An dey ack jalike Saul junk, an dey no bring present fo him notting. But Saul no say notting.

Local Leadas 9:38

Den Zebul tell um, “So! You still like talk big now, o wat?! You wen tell, ‘Who dis buggah Abimelek, dat us guys gotta let him stay in charge a us?’ Dese da guys, you wen make fun a dem befo time! Now, go out an fight um!”

Smart Guys 6:32

But da guy dat fool aroun one wahine dat stay married, Jalike da guy no mo one brain, Cuz he ony stay kill himself, An dass his fault.

Smart Guys 11:11

Da peopo dat erytime do wass right, Good tings come to dea town cuz a dem, An da town come mo betta. But wen da bad kine peopo open dea mout, Da town come jam up.

Smart Guys 11:13

Da kine peopo dat go aroun talk bad bout odda peopo, Dey tell all kine stuff bout da odda guys dat dey not suppose to tell. But da kine peopo you can trus, Dey know how fo keep dea mout shut.