Smart Guys 11:10 - Hawaii Pidgin Bible

¹⁰ Da peopo dat do wass right erytime, Wen good tings come by dem, Den erybody inside dea town feel good inside. But da bad kine peopo, wen dey get wipe out, Erybody all happy an make big noise.

Smart Guys 11:10 Referans Kwoze

Smart Guys 28:12

Wen eryting come out good Fo da peopo dat stay do wass right, Erybody tink, “Eh, dass awesome!” But wen da bad kine peopo stay in charge, Da peopo go hide.

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.

Smart Guys 28:28

Wen da bad guys stay in charge, Erybody go hide. Wen da bad guys come wipe out, Get mo plenny peopo dat stay do wass right.

Job 27:23

Jalike da wind clap hands an make fun a dem, An hiss wen he blow um outa dea place.”

Outa Egypt 15:21

Miriam, she give um dis song fo sing back to her: “I sing fo Da One In Charge! He awesome fo real kine! Da horses an da guys dat ride um, God throw um all inside da Red Sea!”

2 Kings 11:20

Cuz a dis, all da peopo inside da land stay dance an sing cuz dey feel good inside. An Jerusalem town stay quiet, cuz da army guys wen kill Ataliah wit dea swords inside da palace.

Smart Guys 11:11

Da peopo dat erytime do wass right, Good tings come to dea town cuz a dem, An da town come mo betta. But wen da bad kine peopo open dea mout, Da town come jam up.

Smart Guys 29:2

Wen da peopo dat stay do wass right, come da main one, Erybody stay good inside. Wen da bad peopo stay in charge, Erybody like tell, “Bummahs! Bummahs!”

2 Records 23:13

She look, an da king stay right dea! He stan by da big pos wea da king suppose to stan, one side a da place fo go inside da Temple building. Da army officer guys an da guys dat blow da trumpets stay all aroun da king. An all da peopo from all ova da land stay dance an sing, an dey stay blow trumpets too. An da guys dat sing use dea music instruments, an dey lead da peopo fo tell dat Da One In Charge stay real good. Den Ataliah rip her clotheses fo show she stay bum out. She yell, “Dese guys go agains da govmen!”

2 Records 23:21

All da peopo inside da land stay real good inside. An Jerusalem town stay quiet, cuz da army guys wen kill Ataliah wit dea swords.

Jeremiah 51:48

Den, da sky, da earth, an erybody inside um, Goin cheer plenny, Cuz dey stay good inside fo wat happen Babylon side. Cuz from da north side, Army guys goin attack Babylon.” Az wat Da One In Charge tell.