Smart Guys 11:1 - Hawaii Pidgin Bible

¹ Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Smart Guys 11:1 Referans Kwoze

Smart Guys 16:11

Da scales you use fo weigh stuff, Fo Da One In Charge, dey gotta be right. Eryting you use fo measure stuff, Az his kuleana.

Smart Guys 20:23

If you use one stone dass too heavy Fo weigh wat you goin sell one guy, An you use one light stone Fo weigh da same ting fo sell to anodda guy, Da way Da One In Charge see dat, az pilau! Az no good, use scale dat bulai Wen you sell stuff.

Smart Guys 20:10

Maybe you use one stone dass too heavy Fo weigh wat you goin sell to one guy, But you use one light stone Fo weigh da same ting fo sell to anodda guy. O maybe you use two diffren kine measure Wen you sell stuff to diffren peopo, Da way Da One In Charge see um, az pilau!

Hosea 12:7

Da biznis guys use scales dat bulai. Dey like scam peopo real bad an hurt um.

Hosea 12:8

Az why da Israel peopo talk big. Dey tell, “Fo shua, I rich! But fo all da tings I wen get from my work, No can find notting bad dat I wen do!”