Smart Guys 10:8 - Hawaii Pidgin Bible

⁸ Da peopo dat know how fo tink, Dey goin lissen an do wat dey suppose to do. Da peopo dat do bad kine stuff an no bodda dem, Dey all mout, an dey goin fall down an crack dea head.

Smart Guys 10:8 Referans Kwoze

Smart Guys 12:1

Da peopo dat feel good inside Wen somebody tell um dey wen do wrong, Dey can learn all diffren kine stuff from dat too. Da peopo dat no like Wen somebody tell um dey wen do someting bad, Dem ony dumb buggahs.

James 3:13

You tink get somebody dat smart an know wat fo do erytime? Kay den. Da guy betta do da right ting erytime, fo him show proof dat he get da smarts from God fo know wat fo do, an he no need be da numba one guy.

Smart Guys 9:9

You talk dat kine to one guy dat know wat fo do erytime, An he goin know even mo betta wat fo do. You tell da kine guy dat stay do da right ting Bout someting he neva know how fo do, An he goin learn even mo betta.)

Smart Guys 1:5

Da smart peopo dat know awready wat fo do, Dey goin lissen up mo an moa, An erytime dey goin undastan even mo betta. Da peopo dat lissen good, Dey goin find out wat dey gotta do.

Teacha 10:12

Da guy dat know wat fo do erytime talk good kine, But da stupid guy mout make him come wipe out.

Smart Guys 14:23

You work hard, you get someting. You ony mout, you goin owe money.

Smart Guys 14:8

Da peopo dat tink strait, Da smart stuff dey do is, Dey tink firs bout wat dey stay do. Da stupid head kine peopo wit attitude, Dey tink dey know wat fo do, But dey bulai ony dem.

Smart Guys 13:3

Da peopo dat watch how dey talk, Dey stay alive long time cuz a dat. Da peopo dat no kea how dey talk, Dey come wipe out cuz a dea big mout.

Smart Guys 12:13

Wen da bad kine peopo grumble bout God, Dey get into trouble an no can get out, Jalike one trap catch dem. Wen da peopo dat do wass right get into trouble, Dey can get out.

Smart Guys 10:10

Peopo dat make eye signal fo hide wat dey like do, Goin make somebody suffa. Peopo dat do bad kine stuff an no bodda dem, Dey all mout, an dey goin fall down an crack dea head.

Songs 119:34

Help me fo undastan da Rules you give, So den fo shua I goin do um.

Smart Guys 9:8

No try tell one big head guy Dat ony talk bad bout erybody, Dat he not suppose to do someting. Cuz if you tell um dat, Da guy goin hate you. But if you go tell one guy dat erytime know wat fo do Dat he not suppose to do someting, Dat guy goin get love an aloha fo you.

Smart Guys 10:14

Da peopo dat know wat fo do, Erytime dey like learn mo stuff. Da peopo dat do bad stuff an no bodda dem, Wen dey talk any kine, Dat mean dey ready fo get wipe out.