Smart Guys 10:7 - Hawaii Pidgin Bible

⁷ Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Smart Guys 10:7 Referans Kwoze

Songs 112:6

Fo dat kine guy, no mo notting Goin throw him off. Fo anybody dat do da right ting erytime, Peopo no goin foget dem foeva.

Luke 1:48

He wen tink bout me, his pooa worka! From now on all da peopo goin tell God wen do plenny good stuffs fo me,

Mark 14:9

Dass right! An I like tell you guys dis too: Wea evas my guys goin teach da Good Kine Stuff Bout Me all ova da world, dey goin tell wat dis wahine wen do, an da peopo no goin foget her.”

Songs 109:13

Cut off da peopo dat goin come From da guy dat stay agains me. No let nobody even rememba who da guy.

2 Records 24:16

Dey bury him wit da king guys inside Jerusalem, David big town, cuz he wen do good kine stuff inside Israel fo God an his Temple.

Songs 109:15

Da bad kine tings His ancesta guys wen do, Da One In Charge, make shua You no foget dat, An make shua nobody inside dis world Rememba who dem.

Job 18:17

Nobody in da world rememba dem. Erybody foget wat kine guys dey was.

2 Kings 19:34

“An he tell dis too: “ ‘I goin fight fo dis big town, An get da peopo dea outa trouble Cuz a who me, an fo David my worka guy.’ ”

1 Kings 11:36

I jus goin leave da Judah ohana an anodda ohana fo Solomon boy. Cuz I like fo my worka guy David erytime get one guy dat come from him, Jerusalem side, fo show my peopo wea fo go, jalike one olive oil lamp dat goin burn in front me foeva. Az cuz I wen pick Jerusalem town fo be da place wea erybody can find out wat kine god me.

Teacha 8:10

I see peopo bury bad kine guys but dey show respeck fo dem wen da guys mahke. Az was bad guys dat wen come an go from da place dat stay spesho fo God. An da peopo talk good bout da bad guys inside da big town wea dey wen do bad stuff. All dat no make sense too.

Job 27:23

Jalike da wind clap hands an make fun a dem, An hiss wen he blow um outa dea place.”

Jeremiah 17:13

You Da One In Charge, da One us Israel peopo wait fo! Erybody dat bag from you goin come shame. Da peopo dat no go yoa way, Ony get one place wea somebody goin write dea name: Az on top da dirt. Cuz dey wen bag from you, Da One In Charge. No matta you jalike one watta spring fo dem Wea da watta come out all da time an make peopo come alive.

2 Records 32:33

Hezekiah mahke an res wit his ancesta guys. Dey bury him on top da hill wea dey bury da odda guys dat come from David. Wen he mahke, all da peopo inside Judah an Jerusalem show respeck fo him. An Manasseh, Hezekiah boy, come king afta him.

Job 24:20

I like fo even dea muddahs foget dem, An fo da worms tink dea mahke body sweet fo grind. I like nobody rememba da bad kine guys. All da tings dey wen do dat not pono, goin come wipe out, Jalike one tree dat wen split.

Songs 34:16

But Da One In Charge stay agains Da peopo dat stay do bad kine stuff. He goin wipe dem out from dis world, So nobody even rememba who dem.

Smart Guys 22:1

Mo betta get good name from da peopo, Den own plenny kine stuffs. If peopo tink you one good guy, Az mo betta den silva an gold.

Isaiah 14:22

Da One In Charge, Da God Ova All Da Armies, he da One tell dis: “Az me, dat goin stan up an fight Agains da Babylon king guys. Bumbye, nobody goin even rememba Da name a da Babylon peopo. No mo no Babylon guys goin stay, Same ting fo dea kids An da ones dat come from dea kids.” Az how goin be, Da One In Charge, Da God Ova All Da Armies, tell.

Songs 34:17

Erytime dey yell to Da One In Charge, He lissen dem, An he get um outa All da trouble dey stay in.

Songs 41:5

Da guys dat stay agains me talk bad bout me. Dey tell: “We like him mahke! We like his name get wipe out An erybody foget who him!”