Smart Guys 10:6 - Hawaii Pidgin Bible

⁶ Erytime God do good tings Fo da peopo dat stay do da right ting Fo dem do wat he like. But da kine guys dat like do bad stuff, Dey make all nice kine wen dey talk, Fo you donno dey like bus you up.

Smart Guys 10:6 Referans Kwoze

Rules Secon Time 28:2

All dis good kine stuff goin come by you guys, an stay wit you guys, if you lissen yoa God, Da One In Charge.

Smart Guys 28:20

Da kine guy you can trus erytime, God goin do plenny good tings fo him. But da kine guy dat try hard fo come rich fas, God goin punish him.

Smart Guys 24:25

But da kine judges dat punish Da ones dat wen do one bad ting, Erybody goin feel good bout dose kine judges, An goin aks God Fo do good tings fo dem.

Smart Guys 10:11

Wen you lissen da guys dat stay do wass right, You goin get real kine life from dat. But da kine guys dat like do bad stuff, Dey make all nice kine wen dey talk, Fo you no tink dey like bus you up.

Job 29:13

Da guys dat know dey goin mahke, Dey talk good bout how I wen help um. An da widows dat I wen help, dey like sing, Cuz I make um stay real good inside.

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Smart Guys 11:26

Anybody dat no let peopo buy food from him Cuz he tink bumbye he goin make mo plenny money, Da peopo goin tell, “I like God do bad tings to dat guy!” But da guy dat let um buy wen dey need um, Dey goin tell, “I like God do plenny good tings fo him!”

Songs 107:42

Wen da good kine peopo see dat happen, Dey stay good inside. But da bad kine peopo No can tell notting.

Esther 7:8

Den da king come back from da palace garden to da place wea Esther make da dinna. But he see Haman go down on top da couch wea Esther stay, begging her fo give him chance. Da king tell, “Dis guy Haman, he even like fool aroun wit da queen wen she stay hea inside da house wit me!” Wen da king tell dat, da king helpa guys put one cloth on top Haman face fo show he gotta mahke.

Smart Guys 10:5

Da guys dat go early fo pick fruit, dat kine guys get um. Da guys dat go sleep wen dey suppose to harves food, Dat kine guys ony make shame.

Obadiah 1:10

Cuz you guys wen go bus up Da peopo dat come from yoa ancesta braddah Jacob, You goin get plenny shame. You guys goin come wipe out foeva.

Smart Guys 3:33

Da peopo dat stay do bad tings, Da One In Charge promise fo punish all dea ohana, But da peopo dat stay do wass right, He make eryting come good wea dey stay.

Isaiah 3:10

Tell da guys dat do da right kine stuff, Dat eryting goin come out good fo dem. Cuz dey goin get wat dey work fo, Wit da good kine stuff dey make.