Smart Guys 10:16 - Hawaii Pidgin Bible

¹⁶ If you stay do da right ting, Yoa life goin come mo betta. But wen you stay do bad kine stuff, You goin come mo worse.

Smart Guys 10:16 Referans Kwoze

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

Rome 6:23

Dis da deal: Wen you do da tings you not suppose to do, dass how you get cut off from God. But get anodda deal dat God get fo you. He like give you someting dass real good—da real kine life dat goin stay to da max foeva! An you get dis wen you stay tight wit Jesus Christ, Da One In Charge a us guys.

John 6:27

No go work ony fo da kine food dat bumbye come no good. Work fo da kine food dat las long time an make you guys live to da max foeva! I da Fo Real Kine Guy, an I give you guys dat kine life, cuz God da Faddah give me da right fo do dat.”

1 Corint 15:58

So den, my braddahs an sistahs, my good frenz, stan strong an solid. No let notting shake you guys up. You guys stay work fo Da One In Charge awready, so den, go do mo an mo plenny good kine stuffs fo him erytime. You guys know dis: Wen you guys stay tight wit Da One In Charge, no matta you work hard an sweat plenny, no goin be fo notting!

Smart Guys 11:30

Da peopo dat erytime do da right ting, Dey help peopo live mo long time. Da peopo dat get odda peopo outa trouble So dey no goin mahke, Dey da kine peopo dat know wat fo do erytime.

2 Timoty 3:13

An da bad kine peopo, an da peopo dat bulai, dey goin ack mo an mo worse. Dey goin bulai peopo, but dey bulai ony dem!

Matthew 15:19

Any kine bad kine stuff come out from inside. Dass how erybody tink how fo do bad kine stuff. Dass why dey kill peopo, o dey married an go fool aroun, o dey not married an dey still yet go fool aroun, dey rip off da odda guy, dey bulai bout da odda guy, o dey talk bad bout da odda guy.

Smart Guys 21:21

Whoeva go all out fo come Da kine guy dat do wass right erytime, An dat stay tight wit his ohana, Long time he goin live, An peopo goin do good tings fo him, An show um choke respeck.