Smart Guys 10:13 - Hawaii Pidgin Bible

¹³ Da peopo dat undastan stuff, Wen dey talk, you can learn wat fo do. But gotta get one big stick fo wack Da peopo dat no tink bout stuff.

Smart Guys 10:13 Referans Kwoze

Smart Guys 26:3

Fo make da horse go, You need one whip. Fo make da donkey carry stuff, You need one strap aroun da head an nose. But fo make da dumb buggahs do someting, Da ones dat tink dey no need learn notting, Gotta wack dea back wit one stick fo make um move!

Smart Guys 6:32

But da guy dat fool aroun one wahine dat stay married, Jalike da guy no mo one brain, Cuz he ony stay kill himself, An dass his fault.

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Smart Guys 27:22

One guy dat do bad kine stuff an dat no bodda him, You no can do notting, fo him no ack lidat. No matta you grind him up jalike food wit one poi pounda, No way you goin make um no do bad kine stuff.

Smart Guys 20:15

Wen one guy know wat he stay talking bout, Dat guy worth mo plenny Den gold an uku pile a jewelry stone.

Smart Guys 19:29

God stay ready fo punish Da kine buggahs dat no mo respeck fo nobody Cuz dey tink dey mo smart! He get one whip fo wack Da kine dumb buggahs dat no like learn notting.

Smart Guys 17:10

Wen one guy dat undastan stuff Do someting dat he not suppose to do, You ony gotta tell him one time, An he stop. But fo da kine guy dat tink he know eryting, Wen he donno, You can whip him hundred time, An he still no stop.

Smart Guys 15:23

Wen somebody aks you someting An you tell um someting dat help dem, You feel good inside. Wen you tell um someting dey need fo hear Right den an dea, Dass real good!

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Smart Guys 10:31

Da peopo dat do da right ting erytime, wen dey talk, Dey help peopo learn wat fo do. But da peopo wit da bulai mout, Dey goin come all wipe out one time.

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Songs 32:9

No ack jalike da horse o da mule Dat no undastan Wea dey suppose to go, You gotta use da bit an da bridle Fo no let um run away.”

Luke 4:22

Erybody dat hear him talk good bout him. Dat blow dea mind cuz he talk good. Dey tell, “Eh, dis Joseph boy, aah?”

Smart Guys 7:22

Den short time he go wit her, Jalike wen one cow go inside da slaughterhouse, Jalike wen one deer jump right inside one trap,

Outa Egypt 10:12

Den Da One In Charge tell Moses, “Put up yoa hand an hold um out ova da Egypt land fo da locust kine grasshoppas, fo dem come up all ova da Egypt land an eat up all da stuff dat still stay grow, dat da hail storm neva kill.”

Songs 37:30

Da peopo dat do wass right, dey tink plenny, So den dey know wat fo do erytime. Dey erytime talk bout Wat dey suppose to do.

Smart Guys 16:21

Wen one guy tink good An know wat fo do erytime, Peopo goin tell, “Eh, dat guy undastan plenny!” Da guy know how fo talk nice kine, Peopo goin lissen him.