Smart Guys 10:11 - Hawaii Pidgin Bible

¹¹ Wen you lissen da guys dat stay do wass right, You goin get real kine life from dat. But da kine guys dat like do bad stuff, Dey make all nice kine wen dey talk, Fo you no tink dey like bus you up.

Smart Guys 10:11 Referans Kwoze

Smart Guys 13:14

Wen you lissen somebody dat know wat fo do erytime, Dass how you can get life, Jalike one spring fo watta. Dass how you can stay away From da kine trap dat can kill you.

Smart Guys 10:6

Erytime God do good tings Fo da peopo dat stay do da right ting Fo dem do wat he like. But da kine guys dat like do bad stuff, Dey make all nice kine wen dey talk, Fo you donno dey like bus you up.

Smart Guys 18:4

Wen some peopo talk, Hard fo tink wat dey like do, Jalike hard fo know wat stay inside da deep ocean. But wen da peopo dat know wat fo do erytime talk, You learn plenny from dem, Jalike dey one strong riva wit plenny watta you can drink.

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Smart Guys 20:15

Wen one guy know wat he stay talking bout, Dat guy worth mo plenny Den gold an uku pile a jewelry stone.

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Smart Guys 10:32

Da peopo dat do da right tings, Dey know wat kine words good fo help peopo. But da peopo dat do bad kine stuff, Dey talk sly kine, dey ony know how fo bulai.

Songs 107:42

Wen da good kine peopo see dat happen, Dey stay good inside. But da bad kine peopo No can tell notting.

Smart Guys 15:4

You tell peopo tings dat kokua dem, Dat make um come alive inside. Wen you tell dem words fo jam dem up, Dat make um lose fight.