Smart Guys 10:10 - Hawaii Pidgin Bible

¹⁰ Peopo dat make eye signal fo hide wat dey like do, Goin make somebody suffa. Peopo dat do bad kine stuff an no bodda dem, Dey all mout, an dey goin fall down an crack dea head.

Smart Guys 10:10 Referans Kwoze

Songs 35:19

Da bulaia guys dat stay agains me, No let dem feel good Cuz dey win ova me. Da ones dat hate me No matta I neva do notting to dem, No let dem smile cuz I feel bad.

Smart Guys 6:13

Dey make sign wit dea eyes, An dea feets an dea fingas, So dea guys know dey stay bulai somebody.

3 John 1:10

So if I come ova dea, I no goin foget wat he wen do. He talk real stink an tell bad kine stuff bout us. An mo worse den dat, he tell “Laytas” to oua braddahs an sistahs wen dey come ova dea. He no let da local guys take um in, an he throw dose local guys outa da church.

Smart Guys 10:8

Da peopo dat know how fo tink, Dey goin lissen an do wat dey suppose to do. Da peopo dat do bad kine stuff an no bodda dem, Dey all mout, an dey goin fall down an crack dea head.

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Job 15:12

How come get stuff dat bodda you, aah?! How come you make mad face?!

Smart Guys 10:14

Da peopo dat know wat fo do, Erytime dey like learn mo stuff. Da peopo dat do bad stuff an no bodda dem, Wen dey talk any kine, Dat mean dey ready fo get wipe out.

Smart Guys 16:30

Somebody dat make sly kine eyes, Show he make one plan fo rip off somebody. Somebody dat make chocho lip, Show he stay ready fo do one bad ting he tink bout.