Smart Guys 10:1 - Hawaii Pidgin Bible

¹ Dis da part dat get da importan kine stuff fo make us tink dat Solomon tell us. Wen da faddah-muddah guys get one kid dat know wat fo do erytime, Dey come all good inside. Wen dey get one kid dat tink he get um wen he no get um, Da faddah-muddah guys come all sore inside.

Smart Guys 10:1 Referans Kwoze

Smart Guys 1:1

Inside dis book, get da importan kine stuff fo make us guys tink, da kine Solomon like tell us. (Him King David boy, da king fo da Israel peopo.)

Smart Guys 29:3

Whoeva fo real kine like know wat fo do erytime, Dea faddah guy goin feel real good inside bout dem. Whoeva hang out wit da wahines dat fool aroun fo money, Dey ony throw way wat dey get fo notting.

Smart Guys 17:25

Wen one boy stay stupid an tink he no need learn notting, Make da faddah guy feel real bodda, An make da muddah feel real sore inside.

Smart Guys 29:15

Teach yoa kids da right way fo ack An use da paddle if dey need um. Den dey goin come da kine peopo Dat know wat fo do erytime. But if you no punish um fo teach um how fo ack, Dey goin make shame fo dea muddah.

Smart Guys 15:20

Da kine guy dat know wat fo do erytime, He make his faddah feel all good inside. Da stupid buggah dat tink he no need learn notting, He no give a rip if he shame his muddah.

Smart Guys 17:21

If get one stupid kine kid Dat tink he no need learn notting, Da faddah-muddah guys stay sad inside. Wen one boy stay ack stupid kine, His faddah no feel good inside.

Smart Guys 19:13

Wen get one stupid kid Dat figga he no need learn notting, Da faddah suffa plenny. Wen da wife like beef bout eryting, Az jalike one puka roof dat stay leak all da time.

Teacha 12:9

Da Teacha, he know wat fo do erytime. An even moa, he teach da peopo bout wat he know an fo dem know um too. He tink bout um, an try find out even mo, an put togedda plenny stuff dat da smart guys tell.

Teacha 2:19

An who goin know if dat guy know wat fo do erytime, o if he one stupid kine guy? All dis no matta fo shua cuz da guy goin stay in charge a all da tings dat I work real hard fo, an all da tings I learn how fo do unda da sun.” Dis no make sense too.

Smart Guys 25:1

Get some mo tings King Solomon wen tell, importan kine stuff fo make us tink. Da guys dat work fo Hezekiah, da king fo da Judah peopo, dis wat dey put togedda:

1 Kings 4:32

He wen tell 3,000 smart kine tings peopo tell fo peopo know wat fo do, an he make 1,005 song.

Smart Guys 13:1

You get somebody dat know wat fo do erytime, Dat mean dea faddah make dem learn. But da buggahs dat no mo respeck fo nobody Cuz dey tink dey so smart, Dass why dey no lissen, neva mind you scold dem.

Smart Guys 27:11

My boy, be da kine guy Dat know wat fo do erytime. You do dat, den you goin make me feel real good inside! An if whoevas talk bad to me, I goin know wat fo tell um back.

Smart Guys 29:17

Wen yoa kids do someting bad, Punish um fo teach um da right ting fo do. Den bumbye, you no need worry bout dem. Den dey goin do all da good kine stuff you wen teach um fo do, Dat goin make you stay real good inside.