Smart Guys 1:6 - Hawaii Pidgin Bible

⁶ Whoeva make lidat cuz dey read dis book, Dey goin undastan da importan kine tings An even da stuff dat da smart guys make hard fo figga out. Az da kine stuff fo make you tink plenny.

Smart Guys 1:6 Referans Kwoze

Songs 78:2

I goin tell you guys stories Fo teach importan kine stuff fo make you tink, Fo make you guys undastan Wat da local kine peopo wen talk about Long time befo time, Dass hard fo undastan.

Mark 4:11

He tell, “God let you guys know all da stuff bout how he stay King. But da odda peopo on da outside, I tell stories fo teach dem.

Hebrews 5:14

An wat dat mean, “handle da solid stuff”? Dat kine stuff fo da grown up kine peopo. Dey jalike da ones dat work out all da time fo come mo strong. Dey do good kine stuff erytime an no do bad kine stuff. Dass how dey know how fo figga wass good an wass no good.

Songs 49:4

I lissen real good to wat God teach. I play da harp wen I tell peopo Wat da stuff mean Dat stay hard fo figga out An make you tink plenny.

Mark 4:34

He neva teach dem odda stuff, ony wit stories. But erytime he stay ony wit da guys he stay teach, he tell dem wat da stories mean.

Teacha 12:11

Wat da guys tell dat know wat fo do erytime, az jalike da sharp poles fo poke da cows fo make um go da right way. Eryting dey tell, az jalike da kine nails dat stay solid wea dea owna poun um. Eryting dey tell come from God, da one good sheep guy.

Census 12:8

Wit him, I can talk strait. Wen I talk, I make shua he know wat I mean. I no hide wat I tell, not wit da hard fo undastan kine talk. He know how I look like, me, Da One In Charge. So den! How come you guys no sked Fo grumble bout my worka guy Moses?!’ ”

2 Peter 3:16

Erytime Paul write one letta, he talk bout dis kine stuff. Fo shua, get stuff inside his lettas dass hard fo undastan. An get peopo dat no bodda fo learn dis stuff an no stay solid inside. Dey take wat Paul tell an make um all hamajang. Dey do da same ting wit all da odda stuff inside da Bible too. Da guys dat make lidat, dey goin come wipe out fo shua.

Smart Guys 24:23

An now, some odda tings from da guys dat know wat fo do erytime: Wen you da judge, No good you judge diffren kine fo some peopo.

Daniel 8:23

“Wen dose king lines almos pau, an da peopo dat go agains God do all da bad kine tings dey can do, one king wit one skery kine face dat know how fo trick peopo goin take ova.