Smart Guys 1:5 - Hawaii Pidgin Bible

⁵ Da smart peopo dat know awready wat fo do, Dey goin lissen up mo an moa, An erytime dey goin undastan even mo betta. Da peopo dat lissen good, Dey goin find out wat dey gotta do.

Smart Guys 1:5 Referans Kwoze

Smart Guys 12:1

Da peopo dat feel good inside Wen somebody tell um dey wen do wrong, Dey can learn all diffren kine stuff from dat too. Da peopo dat no like Wen somebody tell um dey wen do someting bad, Dem ony dumb buggahs.

Smart Guys 9:9

You talk dat kine to one guy dat know wat fo do erytime, An he goin know even mo betta wat fo do. You tell da kine guy dat stay do da right ting Bout someting he neva know how fo do, An he goin learn even mo betta.)

1 Corint 10:15

I tell you dis cuz I know you guys can undastan real good. So make up yoa mind! Wat I tell you guys, az true o az not true?!

Job 34:16

“Eh Job! If you undastan stuff, den hear dis. Lissen wat I tell.

Job 34:10

“Az why you gotta lissen me, you guys dat undastan plenny! No ways God goin do someting bad! No ways Da God Dat Get All Da Powa goin do wass wrong!

Job 34:34

“Get peopo dat undastan plenny stuff. Get guys dat know wat fo do erytime. Wen dey hear me, dis wat dey goin tell me:

2 Records 25:16

Wen he still yet stay talk, da king tell him, “Eh! Us give you da job fo tell yoa king wass good fo him do, o wat?! Stop! No good my guys kill you!” So da guy dat talk fo God stop. But he tell, “Fo shua God tell awready wass good fo do. He goin wipe you out! Az cuz you wen bring dose odda gods hea. You no lissen wen I tell you wass good fo do!”

Smart Guys 14:6

Da peopo dat no mo respeck fo nobody Cuz dey tink dey real smart, Dey try learn wat fo do, but dey no can. But da peopo dat undastan awready, Easy fo dem learn stuff.

Teacha 9:11

I wen see anodda ting unda da sun too: Da mos fas guys no goin win da race erytime, An da mos strong guys no goin win da fight erytime. Da guys dat know wat fo do erytime, dey no mo food erytime, Da smart guys not rich erytime. Nobody show respeck erytime fo da guys dat know plenny. But dey all gotta chance um wen da right time come.

Rules Secon Time 4:6

Make shua you do eryting I tell you fo do, cuz dat goin show da odda peopos dat you guys know wat fo do erytime, an you undastan plenny stuff. Dey goin hear all dis stuff dat Da One In Charge tell you guys you gotta do, an dey goin tell, ‘Fo shua dis one importan peopo—dey know wat fo do erytime, an dey undastan plenny stuff!’ ”

Job 34:2

“Eh, you guys dat know wat fo do erytime! Lissen wat I tell. Eh, you guys dat wen learn plenny! Lissen up!

Smart Guys 8:33

You betta lissen wen I teach you how fo fix wat you stay do! Come jalike da kine peopo dat know wat fo do! No make jalike you no need hear wat fo do!

Smart Guys 9:8

No try tell one big head guy Dat ony talk bad bout erybody, Dat he not suppose to do someting. Cuz if you tell um dat, Da guy goin hate you. But if you go tell one guy dat erytime know wat fo do Dat he not suppose to do someting, Dat guy goin get love an aloha fo you.

Smart Guys 18:15

Da peopo dat undastan good, Easy fo dem learn stuff. An da peopo dat know wat fo do erytime, Dey still try fo lissen new kine stuff fo learn.

Smart Guys 19:25

Punish da buggahs dat no mo respeck fo nobody Cuz dey tink dey smart. An den, da odda guys dat donno notting an easy fo bulai dem, Dey goin come mo akamai An learn how fo tink strait. An if you tell da kine guy dat undastan stuff, Dat he wen do someting wrong, Dat guy goin learn someting.

Smart Guys 21:11

Wen you punish da guys Dat no mo respeck fo nobody Cuz dey tink dey mo smart, Den, da guys dat donno notting an easy fo bulai Dey goin start fo learn wat fo do erytime. But da guys dat know wat fo do erytime, Easy fo dem learn plenny If you help um fo undastan.