Smart Guys 1:22 - Hawaii Pidgin Bible

²² “Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Smart Guys 1:22 Referans Kwoze

Smart Guys 5:12

An den you goin tell: “Bummahs! I no like How peopo wen try teach me Fo do da right ting! How dey tell me az wrong, Erytime I go do someting bad. But inside, I tink, ‘I no goin change!’

Smart Guys 1:29

Cuz dey piss off dat get stuff dey gotta learn, Dey not sked Da One In Charge, dey make up dea mind awready.

Songs 1:1

Da peopo stay good inside Wen dey live lidis: Dey no lissen da guys dat broke Da Rules from God, Wen dose guys tell um wass good fo do. An dey no hang out wit da peopo Dat do bad tings, An dey no sit down fo talk story Wit da guys Dat ack jalike dey mo betta Den erybody!

Jesus Show 22:17

Bumbye da peopo dat stay spesho fo God goin come togedda wit me, jalike wen one wahine marry one guy. So da Good An Spesho Spirit an God peopo, dey tell, ‘Try come!’ Erybody dat hear dat, tell ‘Try come!’ too. Whoeva stay thirsty let um come, an whoeva like, let um take da watta dat make um come alive fo real kine, an no goin cost dem notting.”

2 Peter 3:3

Da firs ting, you gotta undastan dis: befo da world pau, goin get guys dat ony goin make any kine how dey like. An dey goin make fun a da Good Kine Stuff from God.

John 3:20

Erybody dat stay do bad kine stuff hate da light, an no like let da light shine on top dem. Cuz dey no like nobody know bout da bad kine stuff dey stay do.

Luke 19:42

He tell, “You guys inside Jerusalem, if ony you guys wen know today wat can make you guys so notting bodda you—but now you guys no undastan.

Matthew 9:13

Go figga wat Hosea, da guy dat talk fo God, wen tell befo time, ‘I like my peopo give chance to each odda. Dat mo betta den jus make one sacrifice inside da temple.’ Dass wat God tell. But me, I neva come fo tell da guys dat erytime do wat God tell um fo do, fo come my guys, but I wen come fo da peopo dat get one bad rep.”

Smart Guys 21:11

Wen you punish da guys Dat no mo respeck fo nobody Cuz dey tink dey mo smart, Den, da guys dat donno notting an easy fo bulai Dey goin start fo learn wat fo do erytime. But da guys dat know wat fo do erytime, Easy fo dem learn plenny If you help um fo undastan.

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Matthew 17:17

Jesus tell, “You guys! Nowdays nobody trus God! You guys, yoa head all hamajang! How long mo I gotta take how you guys ack?! Bring da boy ova hea!”

Smart Guys 19:29

God stay ready fo punish Da kine buggahs dat no mo respeck fo nobody Cuz dey tink dey mo smart! He get one whip fo wack Da kine dumb buggahs dat no like learn notting.

Smart Guys 15:12

Da peopo dat no mo respeck fo nobody Cuz dey tink dey know eryting, Dey no like wen peopo tell dem dey wrong. Dey no goin go By da peopo dat know wat fo do erytime, Fo aks dem fo help.

Smart Guys 14:6

Da peopo dat no mo respeck fo nobody Cuz dey tink dey real smart, Dey try learn wat fo do, but dey no can. But da peopo dat undastan awready, Easy fo dem learn stuff.

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!

Smart Guys 7:7

An I see some young guys, Da kine guys dat donno notting. Den I wen see dis one guy, Him, he kinda dumb.

Smart Guys 6:9

Eh, you lazy buggah! How long you goin sleep? Wen you goin wake up?

Smart Guys 3:34

Wen get guys ack jalike odda peopo junk, God make jalike dey junk too. But da peopo dat erytime go las, He make dem so erybody like dem.

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Smart Guys 1:4

Dis book fo da peopo dat donno notting an easy fo bulai dem. Goin help um come mo akamai, An help da young guys fo know stuff An fo tink strait.

Songs 94:8

You guys from oua peopo Israel Dat donno how fo tink notting, Mo betta you undastan! You peopo dat do stupid kine stuff, No good you neva learn wat fo do!

Job 34:7

No mo nobody jalike Job! Easy fo him talk bad bout God, Jalike easy fo him drink watta.

Census 14:27

“How long moa, all dese bad kine peopo goin grumble bout me?! I hear all da stuff da Israel peopo tell wen dey grumble an poin finga me.

Outa Egypt 16:28

Den Da One In Charge tell Moses, “How much time you guys no goin do wat I tell you fo do, an no lissen my Rules?!

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

Smart Guys 1:21

She stan on top da main streets wit choke plenny peopo an yell to erybody, She talk to da peopo dat hang out wit da town leadas, Ova dea by da big gate fo da town. She tell:

Smart Guys 1:32

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out.

Smart Guys 21:24

Da peopo dat ack jalike dey real smart, An ack high makamaka, Erybody know who dem, Dat dey no mo respeck fo nobody. Wateva dey do, dey tink dey mo smart den erybody.

Smart Guys 22:3

Da akamai kine peopo see Someting bad goin happen, An dey go hide. But da peopo dat donno notting An easy fo bulai dem, Dey keep going, An bumbye, dey pay da price.

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Jeremiah 13:27

I wen look an see da pilau kine tings you guys do On top da hills in da countryside. You guys fool aroun wit da guys an wahines Dat not yoa husban o wife. You guys come hot up an fool aroun fo money. Bummahs, you Jerusalem peopo! How long you goin stay pilau?”