Smart Guys 1:15 - Hawaii Pidgin Bible

¹⁵ An I tell my boy no hang out wit dis kine peopo! You jus tell um no way, brah! No go wit dem an do stuff da way dey do um!

Smart Guys 1:15 Referans Kwoze

Songs 119:101

I stay far away from da bad kine life, Fo me lissen fo do da tings you tell.

Songs 1:1

Da peopo stay good inside Wen dey live lidis: Dey no lissen da guys dat broke Da Rules from God, Wen dose guys tell um wass good fo do. An dey no hang out wit da peopo Dat do bad tings, An dey no sit down fo talk story Wit da guys Dat ack jalike dey mo betta Den erybody!

Smart Guys 4:27

No go way from dat good road, No go right side o lef side. If get any place wea you can do bad kine stuff, You betta go da odda way!

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Smart Guys 5:8

You betta stay away from dat kine wahine! No even go nea da door by da place wea she stay.

Jeremiah 14:10

Dis wat Da One In Charge tell bout how his peopo stay: “Dey like go check out any kine place. Dey no pick da right way fo go.” Az why Da One In Charge no like how dey ack. Da way tings stay now, He no goin foget da wrong tings dey stay do. He goin punish dem cuz a da bad tings dey do.

Smart Guys 9:6

You guys dat donno wat fo do, You gotta change how you stay, Fo you live fo real kine! You gotta stick wit da way Dat goin help you undastan stuff!’ ”

Smart Guys 1:14

Go chance um wit us, brah! We go share share togedda, aah?’ ”

Smart Guys 24:1

No tink you like get wat da bad guys get. No like fo hang out wit dem.

Smart Guys 3:31

No good you tink, ‘I like come jalike da guys dat like bus up erybody!’ No make jalike dem, az not da right way.

Isaiah 33:15

Da peopo dat no need stay sked, Dey da ones stay do da right kine stuff, An tell wat stay right. Dey no presha peopo Fo take dea stuff fo come rich, An dey no even touch Da unda da table kine gif, Dey make deaf ear Wen peopo plan fo kill somebody. An no make jalike dey donno Wen somebody like do bad kine stuff.