Smart Guys 1:12 - Hawaii Pidgin Bible

¹² No matta dey alive, we take um, brah, Jalike da Mahke Peopo Place take da mahke peopo. No matta dey feel good, we take um out, Jalike dey fall down inside one big hole.

Smart Guys 1:12 Referans Kwoze

Songs 124:3

An come real mad wit us, Den, jalike dey wen eat us alive. But dat neva happen.

Songs 28:1

Eh! You Da One In Charge! You da Guy! You strong, jalike one big rock! I stay yell to you! I like fo you help me! So no go make deaf ear! Cuz if you no do notting, I goin be jalike da peopo Dat litto mo mahke An go inside da Deep Dark Hole!

Rome 3:13

Dea mout real haunas jalike one open grave. Dey bulai wit dea mout. Da poison come from inside dea mout, Jalike one snake.

Sad Song 2:16

All da peopo dat stay agains you guys make fun a you. Dey laugh an grind dea teet. Dey tell, “Fo shua, jalike us guys wen swallow dem! We wen wait long time fo see dis happen!”

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Jeremiah 51:34

Dis how da Jerusalem peopo goin talk: “Nebukadnezzar, da Babylon king, He eat up us Jerusalem guys. He make us come hamajang. He show erybody, dat us guys no mo notting, Jalike us one empty pot. He swallow us guys, Jalike he one big monsta from inside da ocean. He fill up his opu wit ery part a us dat taste good to him, An den, he spit out da res.

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 57:3

I like fo God reach down from da sky Fo get me outa trouble. If somebody like make any kine to me, I like God make um come shame. (Time out fo da music.) I like fo God stay tight wit me Cuz I his guy An he erytime do Wat he tell he goin do.

Songs 35:25

No let dem go figga, “Ho, us guys get wat we like!” No let dem tell, “Us guys wipe him out awready!”

Songs 5:9

Dem guys, no can trus wat come outa dea mout. Inside, dey ony like wipe out peopo. Dey talk nice kine, But ony fo bulai you. You lissen wat dey tell, Jalike you goin fall down Inside one open grave an mahke.

Census 26:10

Den jalike da earth open up his mout swallow dem. Dass Korah an da guys dat stay tight wit him, da time da fire kill 250 guys. Dose guys wen come jalike one sign fo da Israel peopo fo no go agains Da One In Charge.

Smart Guys 1:13

We goin steal all choice kine stuff dat cost plenny An put um inside oua house.