Smart Guys 1:11 - Hawaii Pidgin Bible

¹¹ No matta dey tell, ‘Try come wit us. We goin hide an go jump whoeva stay come, Den we kill um. Cuz no mo notting else fo do, aah?

Smart Guys 1:11 Referans Kwoze

Jeremiah 5:26

“Some a my peopo, dey real bad kine guys. Dey hide an wait fo grab peopo, Jalike da guys dat trap birds, Jalike dey put one trap fo wipe out odda guys.

Smart Guys 1:18

Dese guys, dey try jump somebody, But dey da ones goin bleed, Dey da ones goin mahke.

Smart Guys 12:6

Wen da bad kine peopo talk, Az ony fo dem catch odda peopo Den bumbye dey can kill um. Wen da good kine peopo talk, Az fo get peopo outa trouble.

Jesus Guys 25:3

Dey beg Festus fo do someting fo dem. Dey like him fo bring Paul to Jerusalem cuz dey like kill him on da way ova dea.

Jesus Guys 23:15

So you an da main leada guys go tell da main captain fo bring him in front you, an you ack jalike you like find out mo stuff bout wat he wen do. An we stay ready fo kill him befo he come ova hea.”

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Jeremiah 11:19

Befo Da One In Charge tell me dat, I stay jalike one bebe sheep dat trus da peopo dat lead um out fo kill um, cuz I neva know dey make one plan agains me! Dey tell, “Eh, we goin kill dis Jeremiah buggah an wat he tell, jalike we goin wipe out one tree an eryting dat grow on top um! We goin wipe him out from da land wea peopo live. Den erybody goin foget him an his name!”

Smart Guys 30:14

An dat kine peopo, Dey like wipe out da peopo dat no mo powa From all ova da world. Dey like wipe out da peopo dat need help So dey no need help um an dey go way. Dey jalike one wild animal Dat get sharp teets, jalike one sword o knife!

Smart Guys 1:16

Cuz ery place dey go, dey ony go dea fo do bad kine stuff. An dey go fas, cuz dey like make peopo bleed an mahke.

Songs 56:6

Dey meet fo make plan agains me. Dey hide fo make trouble, Cuz dey wait fo one chance fo kill me.

Songs 35:7

Cuz I neva do notting to dem, But still yet dey wen hide one net Fo trap me. I neva do notting to dem, But still yet dey wen dig one big hole Fo make me fall down inside an mahke.

Songs 17:12

Dem guys, dey jalike hungry lions dat like rip me up. Jalike da young lions hide an wait fo make one kill.

John 15:25

But all dis stuff stay happen, jalike dea Rules tell, ‘Dey hate me fo notting.’

Smart Guys 24:15

No ack jalike one bad guy An go wait outside da house Wea one guy dat do wass right erytime stay, Fo you jump um an hurt um, Den go jam up da place wea he res.

Smart Guys 29:24

If you help one steala guy fo steal stuff, Fo shua, you hate yoa life! You hear dat get kahuna on top you if you no tell wat you know, But still yet, you no tell notting!