Ruth 2:4 - Hawaii Pidgin Bible

⁴ Same time Ruth stay pick up da extra barley, Boaz come ova dea from Betlehem town. He tell da guys dat stay harves da barley, “Aloha! I like Da One In Charge stay wit you guys!” Dey tell Boaz, “Aloha to you! Us guys like Da One In Charge do plenny good tings fo you too!”

Ruth 2:4 Referans Kwoze

2 Tessalonika 3:16

You guys know Da One In Charge, he da ony One dat make um erytime so notting bodda us guys. I like him make you guys fo notting bodda you erytime, no matta wat happen. An I like he stay tight wit all you guys.

Luke 1:28

Da angel guy come by her an tell, “Aloha! Da One In Charge goin do someting spesho fo you. He stay wit you.”

Local Leadas 6:12

Wen da angel messenja guy from Da One In Charge show up by Gideon, da angel tell, “Da One In Charge stay wit you. You one strong fighta guy.”

2 Timoty 4:22

I like Da One In Charge stay tight wit eryting inside you. An I like him fo do plenny good kine stuffs fo all you guys!

Songs 118:26

Da pries guys tell: “Us guys like fo good tings happen To da one dat come hea Cuz Da One In Charge give um Da right fo come. Us pries guys dat stay hea Inside da Temple Fo Da One In Charge, Us like fo good tings happen To all you guys.

Ruth 4:11

Da older leada guys fo da town, an all da peopo dat stay by da main gate wea da peopo stay come togedda, dey tell, “Dass right! All us guys see wat happen, an we gotta tell erybody. “Dis wahine dat goin come inside yoa house, Us like Da One In Charge make her come Jalike da wahines Rachel an Leah, Da two wahines all us Israel peopo come from! An you, Ruth, come rich wit da Efratah ohana, So erybody know who you, Betlehem town!

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

1 Timoty 6:2

Da slave guy dat get one boss dat trus God, dey not suppose to show dea boss ony litto bit respeck jus cuz dey braddahs. Dey suppose to work fo dem mo hard, cuz den dey kokua da guys dat trus God, an dey get love an aloha fo dem. Teach um dis stuff, an tell um fo do um.

Ruth 2:3

So Ruth go ova dea inside one field an pick up da extra barley dat da worka guys no pick up afta dey harves um. An you know wat? Dat field wea she stay pick up da extra barley, da owna guy was Boaz. Him an Ruth mahke faddah-in-law Elimelek, dey da same blood!

Ruth 2:5

Boaz aks da luna guy dat stay in charge a da worka guys, “Eh! Dat young wahine ova dea, wat ohana her?”

Start 28:3

I like Da God Dat Get All Da Powa fo make you fo do eryting he like you fo do, fo you get plenny kids. Goin get plenny diffren peopos come from you bumbye.

Census 6:24

“ ‘Da One In Charge goin make good kine stuff happen to all you guys, An take kea you.

Local Leadas 6:16

Da One In Charge tell him, “I goin stay wit you. You goin bus up all da Midian guys same time.”

1 Samuel 17:37

Da One In Charge, he da One wen get me outa da lion an da bear powa, an he goin get me outa dis Filisha guy powa too!” So Saul tell David, “Go awready! Da One In Charge goin stay wit you.”

1 Records 2:51

Salma da faddah fo Betlehem, an Haref da faddah fo Bet-Gader.

Songs 134:3

Da One In Charge, he da One Wen make da sky an da world, An he stay on top Mount Zion. I like he do good tings fo all you guys.

Jeremiah 31:23

Dis wat Da One In Charge, da God Ova All Da Armies, da God fo da Israel peopo, tell: “Da peopo inside da Judah ohana land, dat live inside da towns ova dea, I goin bring dem back from wea dey stay prisonas. An wen I do dat, dey goin talk lidis one mo time: “ ‘I like fo Da One In Charge do good kine stuffs fo Jerusalem town, Cuz da One Dat Do Wass Right Erytime, live dea. I like him do da same ting fo da hill dat stay spesho fo Da One In Charge!’