Rules Secon Time 6:6 - Hawaii Pidgin Bible

⁶ Dese tings I stay tell you guys fo do today, you gotta tink plenny bout um.

Rules Secon Time 6:6 Referans Kwoze

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Jeremiah 31:33

Da One In Charge tell, “Dis da deal I goin make wit da Israel peopo afta dat time: I goin put my rules inside dem. Jalike I write um inside dea head. Den I goin come dea God, an dey goin come my peopo.

Smart Guys 7:3

Da tings I stay tell you, Make shua you tink bout um all da time. Make shua you tie um on top yoa finga, Make like you write um inside you Jalike one book, so you no foget.

Rules Secon Time 11:18

No foget dese tings I tell you guys, tink plenny bout um, an feel good bout um. Write um down an put um jalike one sign fo tie on top yoa hands, an fo put aroun yoa forehead.

Songs 37:31

Da Rules dat God teach um Stay inside dem. Dey no jam up notting.

2 Corint 3:3

Fo real you guys stay jalike one letta dat Christ wen write, an dat he wen give to us guys fo bring ova hea. Christ neva use ink fo write um. He wen use da Good An Spesho Spirit from da God dat stay alive fo real kine. Christ neva write um on top one flat stone da way Da One In Charge wen write um fo Moses—da ting Christ wen write on top, dass someting dass alive. Dass jalike he write um inside da peopo hearts fo dem know um.

Rules Secon Time 32:46

den he tell dem, “Tink plenny bout all dis importan stuff dat I wen tell you guys today fo you guys tell yoa kids dey gotta lissen an do eryting dese rules tell.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Isaiah 51:7

“ ‘Lissen to me, you guys dat know wass right. You peopo dat get my Rules inside you, No sked if peopo try fo make you guys shame! No lose fight if dey talk any kine to you guys!

Luke 8:15

But ho! Da seeds dat fall down inside da good dirt, dass jalike da peopo dat hear wat God tell. Dey get one good heart, do da right ting, an no give up. Dey jalike da seeds dat give good kine wheat.”

Smart Guys 3:5

“No tink if you know eryting, dass all you need. Mo betta if you go all out fo trus Da One In Charge.

Luke 2:51

So Jesus go back wit dem to Nazaret, an erytime he do wat dey tell um fo do. But his muddah no tell notting to nobody, but tink plenny bout um.

Songs 119:98

Da tings you tell us guys fo do, Dey make me know mo betta Wat fo do Den da peopo dat stay agains me, Cuz da tings you tell, Stay wit me foeva.

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

2 John 1:2

cuz da trut stay inside all us guys an goin stay wit us foeva!

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

2 Samuel 22:23

I tink bout all da Rules God make, I no throw way da tings he tell I gotta do. I do um!

Rules Secon Time 11:20

Write um on top yoa door pos an on top da gates fo yoa town.

Songs 119:13

I tell da peopo All da tings you tell cuz you da judge.

Songs 119:30

I make up my mind awready, Dat da way I goin live, You can trus me. I tink all da time Bout da tings you tell Cuz you da judge.