Rules Secon Time 32:6 - Hawaii Pidgin Bible

⁶ You guys figga, az how you goin pay back Da One In Charge. You goin do pilau kine stuff, o wat?! You guys stupid! You guys donno wat fo do! God, he yoa Faddah, He da One wen make you guys, so he own you, He wen make you guys come one solid nation.

Rules Secon Time 32:6 Referans Kwoze

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

1 John 3:1

Tink bout da kine love an aloha da Faddah wen show us! He even call us his kids! An us his kids fo real kine, you know. Az why da peopo inside da world donno wat kine peopo us, cuz dey donno God.

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

Isaiah 44:2

Dis one spesho message from Da One In Charge! He da One make you his peopo. He wen shape you inside yoa muddahs. An he goin help you guys. He tell: “Eh, no sked! You Jacob guys, you work fo me. You Israel peopo dat do wass right, I wen pick you.

Songs 74:2

No foget da peopo dat stay come Togedda fo pray to you, Da ones dat long time befo time You wen buy um Fo be one peopo Dat stay tight wit you. No foget Mount Zion, wea get Da Temple wea you stay.

2 Peter 2:1

Befo time had some Israel peopo dat bulai. Dey wen tell dey talk fo God, but az was ony bulai. Same ting goin happen wit you guys. Goin get peopo dat tell dey teach fo God, but dey bulai! Dey goin be sneaky buggahs an dey no goin tell nobody wat dey stay do fo real. Dass how dey goin bring dea kine teaching. An if you guys lissen dem, you goin come wipe out fo shua! Dey even goin tell dat dey no need lissen to God, dea owna! Neva mind he wen pay one high price fo dem. Cuz da way dey ack, dey goin come wipe out real fas!

Galatia 4:6

So den, cuz you guys his kids, God put da Spirit from his Boy inside us guys, fo now us tell God, “Daddy, you my Faddah!”

Galatia 3:26

All you guys God kids cuz you trus Jesus, God Spesho Guy.

1 Corint 6:20

Christ wen pay one high price fo you guys. So, show respeck fo yoa body da way you ack, an dass goin show dat you get respeck fo God.

Rome 8:15

Wen you guys get God Spirit in charge a you, God Spirit no goin make you guys live jalike slaves dat gotta stay sked all da time. Az how was befo time. Wen you get God Spirit in charge a you, you know you stay God kids! Az why he goin lissen wen we yell out, “Daddy!”

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

John 8:41

You guys do da kine stuff dat come from yoa faddah!” Dey tell him, “Eh, us guys ony get one faddah, an he God! No mo anodda guy oua faddah!”

Isaiah 43:7

Bring erybody dat get my name cuz dey my peopo. All da ones I wen make fo show erybody How awesome me.

Songs 149:2

Eh you Israel peopo! Show how good You feel inside, Cuz Da One In Charge Wen make you guys! You peopo dat come togedda fo pray On top Mount Zion, Go dance an sing, Cuz you get Da One In Charge Fo yoa king!

Songs 100:3

Fo shua you gotta know dis: Da One In Charge, he God! He da One wen make us guys, An us guys his peopo! Jalike us da sheeps Dat he lead to da grass.

Rules Secon Time 32:18

You guys wen bag, an go way from da real God Dass jalike da Rock fo you guys, An da One dat stay jalike yoa Faddah. You guys foget da God dat wen bring you guys inside dis world.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Rules Secon Time 1:31

An inside da boonies, you guys wen see God, Da One In Charge, take kea you guys, jalike one faddah carry his boy inside his arms. He bring you guys all da way to dis place.

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Songs 116:12

So! Wat I can do Fo Da One In Charge Fo all da good tings He wen do fo me, aah?

Songs 95:6

Eh come! We go down In front Da One In Charge, We go down in front da One Dat wen make us guys.

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Job 10:8

“ ‘You wen make me wit yoa hands. So now you goin turn aroun an wipe me out, o wat?!

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Outa Egypt 4:22

Wen dat happen, you tell da Pharaoh guy, ‘Dis wat Da Boss, Da One In Charge, tell: Da Israel peopo, dey jalike dey my numba one boy.

Rules Secon Time 32:28

“Da Israel peopo, Dey da kine peopo dat no can tink. Dey no undastan notting.

2 Samuel 7:24

You wen make us Israel peopo come yoa peopo foeva! An you, Da One In Charge, wen come da God fo us guys!

Hosea 13:13

Da Efraim peopo hurt jalike one wahine born one bebe. But da bebe no like come outa da muddah!

Rules Secon Time 14:1

You guys da peopo fo yoa God, Da One In Charge. So no go cut yoa body o shave da front a yoa head wen somebody mahke jalike odda peopos do.

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Malakai 1:6

Da One In Charge tell, “Eh, you pries guys dat talk bad bout me! Da boys, dey suppose to get respeck fo dea faddah guys, aah? An da worka guys, dey suppose to get respeck fo dea boss guys. So den! I da faddah fo you guys, but you guys no mo respeck fo me. I da boss fo you guys, but you not sked fo no do wat I tell you fo do. Me, Da One In Charge, Da God Ova All Da Armies, an dass wat I stay tell you guys.” But you pries guys tell, “Tell us, how us guys talk bad bout you?!”