Rules Secon Time 32:12 - Hawaii Pidgin Bible

¹² Da One In Charge, he da ony One wen lead his peopo, No mo anodda god from anodda place help him.

Rules Secon Time 32:12 Referans Kwoze

Isaiah 46:4

Even wen you guys come ol an get gray hair, I still Da One In Charge. I still goin help you guys. I wen make you guys An I goin carry you guys. I goin get you guys outa trouble.

Songs 136:16

Da One In Charge, He wen take his peopo Thru da boonies wea nobody live, Cuz he stay tight wit his peopo foeva!

Songs 78:14

Day time, God wen use one cloud Fo show da peopo wea fo go, Nite time, he wen use da light From one fire dat go up to da sky Fo show um da way.

Rules Secon Time 1:31

An inside da boonies, you guys wen see God, Da One In Charge, take kea you guys, jalike one faddah carry his boy inside his arms. He bring you guys all da way to dis place.

Songs 27:11

Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Nehemiah 9:12

Day time, had one cloud dat go from da groun to da sky, Fo show da peopo wea fo go. Nite time, had fire dat go from da groun to da sky, Fo give um light fo see dea way, wea dey stay go.”

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!

Songs 81:9

You betta not pray to odda gods Dat not fo you, You betta not go down In front odda gods from odda places.

Isaiah 63:14

An jalike cows dat go easy down inside one valley. Da Spirit from Da One In Charge make da peopo res.’ ” Den me, Isaiah, I pray to Da One In Charge. I tell: “Az how was, da time you wen lead yoa peopo, An you make erybody know Wat awesome kine god you!

Joshua 24:17

Oua God Da One In Charge, he da One wen bring us guys an oua ancesta guys outa Egypt wea us was slaves. He do awesome stuff in front us. He take kea us wea eva us guys go. He take kea us guys wit all da peopos we wen pass thru dea land.

Job 15:19

Befo time, ony da guys dat know wat fo do wen get da land. Neva have peopo from anodda place fo teach dem odda kine stuff.

Hosea 11:4

I wen lead dem wit my yoke straps, An make nice to dem. I wen show love fo dem. Az jalike I wen take da yoke off dea neck, An bend down fo feed dem.