Rules Secon Time 24:12 - Hawaii Pidgin Bible

¹² If da guy no mo notting, an he ony can give you his coat, no go sleep wen you get da coat wit you still yet.

Rules Secon Time 24:12 Referans Kwoze

Rules Secon Time 24:17

Make shua you guys do da right ting fo da peopo from anodda place, an fo da kids dat no mo faddah o muddah. No take away da coat from one wahine dat no mo husban an keep um till she pay you back wat she owe you.

Job 24:9

Da bad kine guys lend money to da widows dat no mo notting. Den wen da pooa widows no can pay up, da bad guys grab dea bebe. Dey even grab da bebe from da muddah breas, Fo keep um till da muddah pay dem back!

Job 24:3

Dey take away da donkey from da kids Dat no mo faddah o muddah. Wen one widow borrow money, Dey take her cow fo make shua she goin pay um back.

Job 22:6

Cuz dis gotta be wat you stay do: You let yoa braddah guys borrow money from you. Den you make um give you plenny stuffs Fo make shua dey goin pay back wat dey owe you. You know dey no goin bulai you. But you even take dea clotheses an leave dem naked.

Rules Secon Time 24:11

Stay outside da house, an wait till da guy bring you someting fo show dat fo shua he goin pay you back, an bring um outside fo you.

Rules Secon Time 24:13

Give him back his coat befo da sun go down ery day, fo him sleep inside um. Den he goin tell you “God goin do good tings fo you,” an yoa God, Da One In Charge, goin know dat you wen do someting good.

Job 24:7

Dey no mo clotheses, so dey sleep naked nite time. Dey no mo notting fo cova dea body wen cold.

Job 24:10

Da peopo dat no mo clotheses walk aroun naked an hungry. Dey work fo carry wheat fo dea boss, But dey still no mo notting fo eat.