Rules Secon Time 2:4 - Hawaii Pidgin Bible

⁴ Tell da peopo wat dey gotta do: “You guys almos goin go pass da land wea yoa braddah guys stay, da peopo dat get Esau fo dea ancesta. Dey live inside da Seir Range. Dey goin come sked a you guys. So watch out plenny so notting happen.

Rules Secon Time 2:4 Referans Kwoze

Rules Secon Time 23:7

No make to da Edom peopo jalike dey pilau, cuz dey da Esau ohana, yoa braddahs. An same ting fo da Egypt peopo, cuz dey let you guys live in dea country no matta you no was from dea.

Outa Egypt 15:15

Dat time, da main leada guys from Edom, Dey lose fight an no can do notting. Da leada guys from Moab, Dey ony stan dea an shake! Da peopo dat live Canaan side, Dey all donno wat fo do awready.

Colosse 4:5

Wen you guys stay aroun peopo dat no trus God still yet, try figga firs, da way you guys ack aroun dem. Erytime you guys get chance, tell um bout Christ.

Philippi 2:15

Den nobody can poin finga you guys cuz you guys ony do good kine stuff. Fo real, you guys God kids! Erybody all aroun you guys stay crooked an all jam up. But you guys, you diffren. You erytime do wass right, hea inside da world. Dass jalike da stars dat shine no matta stay dark all ova.

Efesus 5:15

So den, watch out how you guys ack. Be shua you erytime know wat fo do. No make jalike peopo dat donno notting.

Luke 12:15

Jesus tell da peopo, “Watch out! Make shua you no try get eryting fo ony you, cuz if you get plenny stuffs, dat no mean you goin live fo real kine!”

Matthew 5:16

Az why, you guys jalike da light. Let erybody see da good kine stuff you guys stay do. Den dey goin tell dat yoa Faddah, God, dat stay in da sky, he awesome!

Start 25:23

Da One In Charge tell her, “Get two peopos inside you. Two diffren ohanas goin come from you, An dey goin stay agains each odda erytime. One peopo goin be mo strong den da odda peopo. Da older braddah ohana goin work fo da younga braddah ohana.”

Start 36:8

Dass how come Esau go live up country Seir side. (Esau, he get da odda name Edom.)

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Rules Secon Time 2:3

‘You guys stay go aroun dis mountain range long time awready. Now, you go turn aroun an go da north side.