Rules Secon Time 16:1 - Hawaii Pidgin Bible

¹ Make spesho da Abib month ery year spring time, fo make da Passova ceremony fo yoa God, Da One In Charge. Cuz az was da month wen he wen bring you guys outa Egypt nite time.

Rules Secon Time 16:1 Referans Kwoze

Outa Egypt 34:18

“You gotta come togedda fo make da spesho religious kine ceremony wen erybody eat da Bread Dat No Mo Years Inside. Seven days you goin eat bread dat no mo yeast, jalike I wen tell you fo do awready. Dat time goin be spesho fo God, ery year spring time, da same month you guys wen come outa Egypt.

Outa Egypt 13:4

Dis month in da spring time, dis day numba fifteen, you guys goin go outa hea awready.

Census 28:16

“On da numba one month, day numba fourteen, you guys goin make da Passova religious kine ceremony fo me, Da One In Charge.

Prieses 23:5

Da Passova fo Da One In Charge start wen da sun go down, da month numba one, day numba fourteen.

Outa Egypt 23:15

Spring time, make da Bread Dat No Mo Yeast time. Seven days, no can eat bread dat get yeast inside, jalike I tell you guys fo do befo time. Do um da same month ery year dat you guys wen get outa Egypt. Nobody can come in front me if dey no mo someting fo give me.

Luke 2:41

Ery year Jesus faddah an muddah go Jerusalem fo da Passova ceremony.

John 2:13

Dat time, almos time fo da Jew Passova. So Jesus go Jerusalem.

John 5:1

Laytas Jesus go Jerusalem, cuz da Jew guys get one spesho religious kine ceremony ova dea.

Rules Secon Time 16:2

Make sacrifice—one animal from yoa sheeps, goats, o cows fo da Passova fo yoa God, Da One In Charge. Do um da place God goin pick fo peopo go dea fo find out wat kine god him.

Outa Egypt 12:51

Dat same day, Da One In Charge take da Israel peopo outa da Egypt land, jalike dey one army.

Outa Egypt 13:3

Den Moses tell da peopo dis: “No foget dis day! Dis da day you guys go outa Egypt, da place wea you guys was slaves. No foget how Da One In Charge wen use his powa fo get you guys outa hea. Dis same day ery year, no eat bread dat get yeast inside.

Outa Egypt 23:14

Ery year, three time you goin take yoa sacrifices to one spesho place, fo make one spesho religious kine ceremony fo me.