Rules Secon Time 15:9 - Hawaii Pidgin Bible

⁹ Make shua you guys no tink lidis: “Da year numba seven stay come nea, wen we gotta let go an foget bout wateva somebody owe us an let um go!” No good you tink lidat an come mean an no give yoa braddah guys notting wen dey no mo notting. If you make lidat, den az good fo dem tell Da One In Charge fo help dem go agains you, an you goin get da blame fo do wass bad.

Rules Secon Time 15:9 Referans Kwoze

Rules Secon Time 24:15

pay him wat you owe him fo wat he do ery day befo da sun go down, cuz he no mo notting an he need um fo live. If you no pay him, he goin call Da One In Charge fo go agains you, an you goin get da blame fo do someting bad.

Matthew 20:15

I do wat I like wit da money I get, you know. You jealous cuz I mo good to dem, o wat?’ ”

James 5:9

Eh my braddahs an sistahs, no grumble bout each odda. Bumbye Jesus da Judge goin check you guys out. He stay ready fo come back!

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Outa Egypt 22:23

Cuz if you make to dem jalike dey notting, an dey yell to me fo help, me Da One In Charge goin lissen dem real fas.

James 5:4

Tink bout da guys dat wen bus ass inside yoa fields. You guys was suppose to pay dem fo da work dey wen do, but you guys neva. Dat show fo real kine how bad you guys stay. Da same guys dat wen harves da ripe food, dey stay make big noise. But you know wat? Da One In Charge Ova All Da Armies, he stay lissen dem!

Matthew 15:19

Any kine bad kine stuff come out from inside. Dass how erybody tink how fo do bad kine stuff. Dass why dey kill peopo, o dey married an go fool aroun, o dey not married an dey still yet go fool aroun, dey rip off da odda guy, dey bulai bout da odda guy, o dey talk bad bout da odda guy.

Smart Guys 28:22

Da greedy kine peopo Dat like come rich real fas, Dey donno dat bumbye, Dey goin come broke an no mo notting.

Smart Guys 23:6

Wen one guy dat like get eryting, Tell you fo come his place fo grind, No go pig out All da fancy kine stuff he put in front you.

Job 34:28

Da bad guys make da peopo dat no mo notting yell loud fo God help um. Wen da pooa peopo yell fo help, God lissen!

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

1 Peter 4:9

Give da peopo from anodda place one place fo stay an no grumble bout um.

James 4:17

Da guy dat know how fo do good tings, but still yet he no do um, same ting, jalike he still do bad kine tings.

James 4:5

You tink da Bible tell dis fo notting? “God wen put one spirit inside all us guys, an he no like if dat spirit no stay all out fo him ony.”

Smart Guys 24:9

Wen peopo make one plan Fo go all out fo do stupid kine stuff, Az no good! An da big head kine guys Dat ony talk bad bout erybody, Odda peopo tell dey pilau.

Smart Guys 21:13

Wen peopo yell fo help cuz dey need someting, An you make deaf ear, Goin be same same fo you. Wen you yell fo help, Nobody goin lissen you!

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Songs 9:12

Wen peopo dat suffa but no can do notting Yell to Da One In Charge fo help, He lissen, an he no foget. Dass why he go afta da ones dat kill his peopo.

Rules Secon Time 15:1

Afta ery seven year, wateva peopo owe you, you guys gotta let um go an no make dem pay you back.

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 101:3

I no goin even look At good fo notting kine stuff. I hate peopo dat make Crooked kine deals. I no goin do notting lidat!

Outa Egypt 22:22

Wen get one widow, o one kid dat no mo faddah o muddah guys, no make to dem jalike dey notting.

Rules Secon Time 31:10

Den Moses tell dem, “Afta ery seven year, wen erybody gotta let go an foget bout wat odda peopo owe dem, den erybody gotta make Da Spesho Religious Ceremony Fo Live Inside Shacks.

Smart Guys 14:21

Wen peopo no mo respeck fo da odda guy, Az wrong, But wen you kokua peopo dat no mo notting, You can stay good inside!

Jeremiah 34:14

‘Ery seven year, all you guys dat get Jew slaves dat you wen buy, you gotta let um go afta dey work fo you fo six year.’ But yoa ancesta guys, dey no lissen me, dey ony make deaf ear.