Rules Secon Time 1:42 - Hawaii Pidgin Bible

⁴² “But Da One In Charge tell me, ‘Tell dem, no go up dea fight, cuz I no goin go wit dem. Da guys dat stay agains dem goin win ova dem.’

Rules Secon Time 1:42 Referans Kwoze

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

1 Samuel 4:2

Da Filisha army make plenny lines fo fight da Israel guys. An wen dey fight, da Filisha army win ova da Israel guys. Da place wea dey fight, dey kill bout four tousan Israel guys.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Isaiah 30:17

One tousan a you guys goin run away Wen one a dea guys tell dat he goin hurt um. An if five a dea guys tell dat dey goin hurt you guys, All da res a you guys goin run away, Till you da ony one stay dea. Goin be jalike one pos Dass da ony ting stan on top one mountain, Jalike one flag on top da hill.

1 Samuel 4:10

So da Filisha army go fight. An you know wat?! Dey win ova da Israel guys! Thirty tousan Israel infantry guys mahke dat time, an all da oddas run away, back to dea tent. Da Filisha army beat um up good!