Rules Secon Time 1:4 - Hawaii Pidgin Bible

⁴ Moses tell um dis afta dey win ova Sihon, da king fo da Amor peopo dat stay inside Heshbon, an afta dey win ova Og, da king fo da Bashan peopo dat stay inside Ashtarot an Edrei.

Rules Secon Time 1:4 Referans Kwoze

Nehemiah 9:22

“You give dem lands Dat had kings an peopos befo time. You divide da land fo da Israel peopo, Fo dem take ova da land from King Sihon, Heshbon side, An from King Og, Bashan side.

Rules Secon Time 2:26

Moses tell: “From da boonies Kedemot side, I wen sen some messenja guys fo tell dem fo go by Sihon, da king inside Heshbon, dat us guys like make good wit him. I tell,

Songs 135:11

He kill Sihon, da king fo da Amor peopo, An Og, da king fo da Bashan peopo, An all da odda king guys Canaan side.

Start 14:5

So, da nex year, numba 14, Kedorlaomer an da three king guys dat stay tight wit him, dey all go ova da Siddim Valley wit dea army guys fo make war wit da Sodom guys dat no like pay notting to dem. Befo Kedorlaomer guys get dea, dey all go Ashterot-Karnaim side an make war wit da Refa peopo. Den dey go Ham side an make war wit da Zuz peopo. Den dey go Shaveh-Kiriathaim side an make war wit da Em peopo.

Rules Secon Time 1:5

From da east side a da Jordan Riva inside Moab, Moses start fo make God rules mo easy fo da peopo undastand. He tell:

Rules Secon Time 3:6

We wen wipe um all out, jalike we stay make one big sacrifice fo God. We do same ting fo Sihon, da king inside Heshbon: we wipe out guys, wahines, an kids.

Rules Secon Time 4:47

Dey take ova dat land, an da land fo Og, da king fo Bashan. Az was da two Amor kings fo da east side a da Jordan Riva.

Rules Secon Time 3:1

“Afta dat we turn go north side by da road dat go Bashan. Og, da king fo da Bashan peopo an all his army guys come out fo fight us by Edrei.