Rules Secon Time 1:18 - Hawaii Pidgin Bible

¹⁸ Was da time us guys stay Mount Sinai. I wen tell you guys eryting you guys gotta do.

Rules Secon Time 1:18 Referans Kwoze

Jesus Guys 20:27

Cuz I no sked fo tell you guys all da stuff God like fo you guys do.

Jesus Guys 20:20

You guys know I no stay sked fo teach you guys all da stuff dat goin kokua you. I teach you guys in front all da peopo an inside yoa houses.

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Rules Secon Time 12:32

“Make shua you guys do eryting I stay tell you guys fo do. No add notting to um, an no take notting away.”

Rules Secon Time 12:28

Lissen up real good an do all da stuff I stay tell you guys fo do, fo eryting go good fo you guys an yoa kids afta you, cuz you guys do wat stay good an right da way yoa God, Da One In Charge, see um.

Rules Secon Time 4:40

Make shua you guys do wat Da One In Charge tell you gotta do, an do wat his rules tell dat I stay give you guys today. If you do dat, eryting goin go good fo you guys an yoa kids afta you, an you goin live long time inside da land oua God, Da One In Charge, give you guys foeva.”

Rules Secon Time 4:5

“Look! I wen teach you guys wat my God, Da One In Charge, tell you gotta do, an his rules, jalike he wen tell me fo teach you guys, fo you stay tight wit um inside da land wea you guys goin go fo take ova.

Outa Egypt 18:20

Tell um bout da bad tings dat goin happen if dey no do jalike da Rules tell, an teach um da Rules. Make shua dey know da right stuff fo do, an da kine tings dey suppose to do.

Outa Egypt 18:22

Let dem be da regula judges fo da peopo. But if get someting big fo judge, tell um fo bring um in front you. Da manini kine stuff, tell um fo dem figga out demself how fo judge um. Dass how goin make um mo easy fo you, cuz dey goin work togedda wit you!