Rome 8:14 - Hawaii Pidgin Bible

¹⁴ Da ones dat let God Spirit tell um wat fo do, dey God kids.

Rome 8:14 Referans Kwoze

Galatia 5:18

So if you guys lissen God Spirit, den you guys no gotta do wat da Rules tell you fo do fo get um right wit God.

John 1:12

But erybody dat come tight wit him an trus him, God give dem da right fo come his kids cuz dey know who him.

Galatia 3:26

All you guys God kids cuz you trus Jesus, God Spesho Guy.

Galatia 5:16

But I like tell you guys dis: Stay tight wit God Spirit, an you guys no goin do da bad kine stuff yoa body tell you fo do.

Songs 143:10

Teach me how fo do Wat you like me fo do, Cuz you da God fo me. I like fo yoa good Spirit show me How fo walk strait so I no jam up. Jalike I stay walk on top flat groun.

Jesus Show 21:7

Whoeva fight an win ova da bad kine stuff, dey goin get all dat stuff. I goin be dea God, an dey goin be my kids.”

1 John 3:1

Tink bout da kine love an aloha da Faddah wen show us! He even call us his kids! An us his kids fo real kine, you know. Az why da peopo inside da world donno wat kine peopo us, cuz dey donno God.

2 Corint 6:18

I goin be yoa Faddah, An you goin be my kids.” Dass wat Da One In Charge wen tell, da One Dat Get All Da Powa.

Galatia 4:6

So den, cuz you guys his kids, God put da Spirit from his Boy inside us guys, fo now us tell God, “Daddy, you my Faddah!”

Rome 8:5

Da peopo dat ack da way dea body like dem fo ack, dey ack lidat cuz dass how dey stay inside. Dey ony tink bout how dey like live all da time. But da peopo dat ack da way God Spirit like dem fo ack, dey ony tink bout how fo ack da way God Spirit like dem fo ack.

Rome 8:9

But fo you guys, da way you wen live befo time, wen you live fo ony you, make shua da ol way no control you guys no moa. Cuz God Spirit live inside you, you guys get da powa fo do da kine stuff God Spirit like you fo do. If somebody no mo Christ Spirit inside him, dat guy not one Christ Guy.

Hosea 1:10

Bumbye da Israel peopo goin come plenny, jalike da sand on top da beach dat you no can eva count o measure um. But inside da same place wea I wen tell dem, ‘You guys not my peopo no moa,’ laytas peopo goin call dem ‘da peopo dat stay tight wit da God dat stay alive.’

Efesus 5:9

Cuz dose peopo dat get dat kine light from God inside dem do good kine stuff, da right kine stuff, an dey stick wit da trut.

Rome 8:19

All da tings God wen make, jalike dey no can wait fo someting good fo happen. Dey no can wait fo see God show erybody how proud he stay bout his kids.

Rome 9:8

Dat mean, from befo time, from all da kids dat born from oua ancesta guy Abraham till now, dey not all God kids. Ony da kids dat wen born from da promise God wen make to Abraham, dey da ones dat God call his kids fo real kine.

Efesus 1:5

From befo time, God make plan fo eryting. He make one plan fo hanai us into his ohana, an fo Jesus Christ make all dat happen. Dass wat God like an dass wat make him stay good inside.

Smart Guys 8:20

Erytime, I stay do da right ting. No matta wea I go, I judge da right way.

Rome 9:26

Hosea tell dis too: “Right dea, Da same place wea God tell um befo time, ‘You guys not my peopo no moa!’ Dass da same place wea da God dat stay alive goin tell um bumbye, ‘You guys, my kids now!’ ” Cuz he give um chance, az why.

Matthew 5:9

“Da peopo dat help da odda peopo come frenz one mo time, Dey can stay good inside Cuz God goin tell, ‘Dey my kids.’

Galatia 4:5

Befo time, us gotta do eryting da Rules tell us fo do fo get um right wit God. But God wen sen his Boy Christ fo him mahke fo pay da price fo let us go. Dass why we no gotta stick wit da Rules. An dass why God can make us jalike his hanai kids.

1 John 3:24

Erybody dat do wat God tell us fo do, dey stay tight wit God. An God stay tight wit dem. God give us his Spirit, an dass how we know dat God stay tight wit us.