Rome 7:12 - Hawaii Pidgin Bible

¹² Same time, da Rules stay spesho fo God. Eryting da Rules tell we gotta do, all dat stay spesho fo God. An stay right an good too.

Rome 7:12 Referans Kwoze

1 Timoty 1:8

All us guys know dis: da Rules From God stay good! Ony gotta do um da right way, jalike da Rules tell you fo do.

Songs 119:137

Eh! You Da One In Charge! You erytime do da right ting! Da tings you tell cuz you da judge, Dey pono!

Rome 7:14

We know dat da Rules come from da Good An Spesho Spirit. But me, I live jalike I one slave fo ony do bad kine stuff.

Songs 119:172

Wen you make one promise, Dat make me like Tell erybody bout um! Cuz eryting you tell me fo do, Az da right ting fo do!

Rome 3:31

You tink dat wen we trus God, dat mean we make da Rules From God good fo notting? No ways! We make da Rules come mo solid.

Nehemiah 9:13

“Wen dey stay Mount Sinai, You wen come down dea on top da mountain. You talk to dem from outa da sky an da air. You tell um da right tings fo do, An teach um da Rules dat dey can trus. An da good tings you tell um dey gotta do.

Rules Secon Time 10:12

Den Moses tell: “So now, you Israel peopo, wat you guys tink yoa God, Da One In Charge, tell you guys you gotta do? Ony dis, he like: Fo you guys stay sked a him an show respeck fo him, Fo live da way he tell you guys fo live, Fo get love an aloha fo him, Fo go all out fo work fo him, an

Rules Secon Time 4:8

You tink get odda importan nations dat get rules fo tell wass right an wass wrong, an laws dat stay pono? Fo shua no mo! Da rules an laws dat I stay give you guys today mo betta den all da odda nations!

Songs 119:140

Da tings you promise, Can trus um fo real. Cuz peopo wen tes um out Plenny awready. I yoa worka guy, An I get love an aloha Fo da tings you tell!

Songs 119:127

Fo shua, I get love an aloha Fo da tings you tell us guys We gotta do. Dass mo plenny love an aloha Den I get fo da bestes kine gold.

Songs 119:38

I yoa worka guy, So den, da tings You wen promise fo do, Do um fo me, Jalike you do um fo all da peopo Dat get plenny respeck fo you.

Rome 12:2

Eh! No do wat da peopo nowdays stay tell you fo do! Mo betta, you guys let God make you guys tink diffren kine inside, fo you tink diffren bout eryting. Den you can figga wat God like you fo do. An da ting God like you fo do, stay good, make God stay good inside, an erytime stay perfeck.

Rome 7:16

If I do da tings I no like fo do, den I know fo shua da Rules stay good.

Songs 119:86

All da tings you tell us gotta do, Can trus um, cuz dey true. But dem guys stay come agains me, No matta I neva do notting bad! Eh God! Help me!