Rome 4:13 - Hawaii Pidgin Bible

¹³ God wen promise Abraham an his ohana dat come afta him, dat bumbye he goin own da whole world. God tell dat cuz Abraham wen trus God, an get um right wit him. But God neva tell dat Abraham get um right wit him ony cuz he do wat da Rules tell um fo do.

Rome 4:13 Referans Kwoze

Galatia 3:29

You guys Christ guys, so den you guys Abraham kids. An you guys goin get yoa share, jalike God wen promise all his kids.

Rome 9:8

Dat mean, from befo time, from all da kids dat born from oua ancesta guy Abraham till now, dey not all God kids. Ony da kids dat wen born from da promise God wen make to Abraham, dey da ones dat God call his kids fo real kine.

Start 28:14

Yoa peopo goin come choke plenny, jalike no can tell how much sand get on top da groun. Dey goin go all ova dis land, makai side an mauka side, up country side an low country side. All da diffren ohanas all ova da world, bumbye wen dey tink bout you an da peopos dat goin come from you, dey goin tell, ‘Eh! Us like God do good tings fo us guys too, jalike he stay do fo Jacob an fo da ohana dat goin come from him!’

Songs 2:8

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

Start 17:16

I goin do good tings fo her, an I goin give her one boy fo you. I goin make good tings come out fo her, so she goin be da ancesta wahine fo plenny diffren peopos. Goin get king guys fo diffren peopos dat goin come from her too!”

Start 12:3

Da peopo dat tell, ‘Eh Abram, I like God fo do good tings fo you!’ Bumbye me, God, goin do good tings fo dem. Da peopo dat tell, ‘Eh Abram, I like God fo do bad tings to you!’ Bumbye I goin make bad tings happen to dem. All da ohanas all ova da world, Bumbye wen dey tink bout you, dey goin tell, ‘Eh! We like God do good tings fo us guys, Jalike he stay do fo Abram!’ ”

Songs 72:11

I like fo all da king guys Go down in front him. I like fo all da nations Stay his worka guys.

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

Jesus Guys 13:32

“We stay tell you guys da Good Stuff From God. He wen promise oua ancesta guys dat he goin do someting.

Rome 4:12

Same ting fo da Jew guys dat get da cut skin mark too, Abraham stay jalike dea faddah. But not ony cuz dey get da cut skin mark, but cuz dey trus Christ jalike Abraham trus God befo he get da cut skin mark.

Hebrews 7:6

But Melkizedek, he one pries, no matta he neva have Levi fo his ancesta guy. But still yet, Melkizedek get ten percent from all da stuffs Abraham bring back. An Abraham, he da guy dat God make promises fo, but still yet, Melkizedek tell him, “I like God do plenny good kine stuffs fo you.”

Hebrews 11:7

Noah, he wen trus God. Az why God tell um, “Watch out! Bad stuff goin happen, da kine stuff dat nobody eva see yet!” Noah wen get plenny respeck fo God. Dass why he make one big boat fo take his ohana guys outa da big flood. He trus God, an dat show dat da odda peopo inside da world do bad kine stuff. But Noah, he wen get um right wit God cuz he trus God.