Rome 3:19 - Hawaii Pidgin Bible

¹⁹ We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Rome 3:19 Referans Kwoze

Galatia 3:10

Whoeva try fo do eryting da Rules tell um fo do fo get um right wit God, dey get one kahuna on top dem. Cuz da Bible tell, “Erybody dat no stay do eryting da Rules From God tell us fo do, dey get one kahuna on top dem.”

Rome 3:9

So wat, den? You tink us Jew guys mo betta den dem? No way! Cuz I awready show you guys dat da bad kine stuff get powa ova erybody, da Jew guys an da ones dass not Jew guys.

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Galatia 5:18

So if you guys lissen God Spirit, den you guys no gotta do wat da Rules tell you fo do fo get um right wit God.

1 Corint 1:29

Az why nobody can talk big wen dey stan in front God.

Rome 3:23

Cuz erybody do bad kine stuff, dass why nobody can do notting fo come awesome da way God like make dem come awesome.

Songs 107:42

Wen da good kine peopo see dat happen, Dey stay good inside. But da bad kine peopo No can tell notting.

Galatia 4:21

Eh, you guys dat like stick wit da Rules fo get um right wit God, how come you guys no lissen wat da Rules tell?

Galatia 4:5

Befo time, us gotta do eryting da Rules tell us fo do fo get um right wit God. But God wen sen his Boy Christ fo him mahke fo pay da price fo let us go. Dass why we no gotta stick wit da Rules. An dass why God can make us jalike his hanai kids.

Rome 1:20

Dat mean, from befo time wen God make da world, anybody dat try fo undastan da stuffs God wen make, dey can figga how God stay, no matta dey no can see him. You know, God get dis unreal powa dat goin stay lidat foevas. Az why he stay God fo shua. An erybody can undastan all dat. Az why dey no mo excuse fo how dey ack.

John 8:9

Wen dey hear dat, dey come shame cuz dey know dey do bad kine stuff too. So dey all go way, one afta da odda, da older guys firs, an den da younga guys. Den get ony Jesus an da wahine stay standing dea.

Job 5:16

Den da guys dat no mo notting can trus God an wait. Da guys dat do wass wrong no can open dea mout.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!

Rome 3:4

No ways! No matta erybody one bulaia, God erytime tell wass true! Jalike da Bible tell befo time, “Da peopo goin find out Dat wat he tell, az right. No matta dey tell dat he do wrong, He goin win still yet, Cuz he no do da bad kine stuff notting.”

Rome 3:2

Az right! Cuz dat help um plenny. Numba one, cuz God trus da Jew guys fo take kea eryting he like fo peopo know.

John 15:25

But all dis stuff stay happen, jalike dea Rules tell, ‘Dey hate me fo notting.’

Songs 63:11

Da King, he goin stay real good inside Cuz az how God stay. Erybody dat make one strong promise An tell God fo put kahuna on top dem If dey no do wat dey promise fo do, Dey goin tell dat God da bestes. But erybody dat stay bulai peopo, God goin shut um up.