Rome 3:13 - Hawaii Pidgin Bible

¹³ Dea mout real haunas jalike one open grave. Dey bulai wit dea mout. Da poison come from inside dea mout, Jalike one snake.

Rome 3:13 Referans Kwoze

Songs 5:9

Dem guys, no can trus wat come outa dea mout. Inside, dey ony like wipe out peopo. Dey talk nice kine, But ony fo bulai you. You lissen wat dey tell, Jalike you goin fall down Inside one open grave an mahke.

Songs 140:3

Da stuff dey tell can kill you, Jalike one snake bite. Wen dey open dea mout, Eryting dey tell, Jalike da poison from da cobra snake. (Time out fo da music.)

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Ezekiel 13:7

Fo shua, you guys wen see dreams dat ony fake, an dat da ceremony fo da gods ony one show. No matta you guys tell, ‘Da One In Charge tell dis,’ me, I neva tell notting!

Isaiah 59:3

You guys kill peopo an dey bleed an mahke, Jalike yoa hands stay dirty wit blood. God goin punish you guys fo all da kine stuff you do, An jalike yoa fingas get dirt all ova um From da tings you wen do Dat God goin punish you fo. You guys talk all bulai kine tings. You guys ony talk bout tings dass not right.

Songs 52:2

You tink bout how you goin hurt peopo. An da tings you tell hurt peopo, Jalike you cut um Wit one sharp knife, Cuz you bulai um.

Rome 3:4

No ways! No matta erybody one bulaia, God erytime tell wass true! Jalike da Bible tell befo time, “Da peopo goin find out Dat wat he tell, az right. No matta dey tell dat he do wrong, He goin win still yet, Cuz he no do da bad kine stuff notting.”

Jeremiah 5:16

Da arrows dey carry goin put you guys inside da grave. All dose guys stay strong fo fight.

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Rules Secon Time 32:33

Da wine dey make, Jalike az poison from snakes, Da kine can kill peopo.

Rome 3:12

Nobody eva do how dey suppose to do. Poho, erybody come! No mo nobody do good tings, No mo even one guy!